फ्रांस विमान हादसामे 11 मृत्यु आ सऊदी अरब हेलिकॉप्टर क्रैशमे 14
नई दिल्ली। समदिया
प्राप्त जनतबक अनुसार स्काइडाइविंगक लेल विमानमे 11 लोक सवार छल। दुर्घटनाग्रस्त भेलाकसँ विमानमे सवार सभ लोकक मृत्यु भ गेल। मृतकमे पांच स्काईडाइवर, पांच इंस्ट्रक्टर आ पायलट शामिल अछि। फ्रांसीसी न्यूज चैनल बीएफएम टीवीक संग बातचीतमे ब्यूरो ऑफ सिविल एविएशन इन्वेस्टिगेशन्सक पूर्व प्रेसिडेंट जीन-पॉल ट्रोडेक बतौलनि, विमान उड़ान भरलाक किछु देर बाद खसि पड़ल।
सऊदी अरबक रास तनूरा इलाकामे रविदिन (28 जून, 2026) केँ एक पैघ हेलीकॉप्टर हादसा भ गेल, जाहिमे 14 लोकक मृत्यु भ गेल। इ हेलीकॉप्टर सऊदी अरब केर प्रमुख पेट्रोलियम रिफाइनरी कंपनी अरामको केर छल, जकर दुर्घटनाग्रस्त होयबाक पाछूक कारणक अखनि धरि पता नहि चलि पाओल अछि।
सऊदी अरबक सरकारी मीडिया सऊदी प्रेस एजेंसी केर मोताबिक, इ भीषण हेलीकॉप्टर हादसा स्थानीय समयानुसार रविदिन (28 जून, 2026) केर भोर करीब 6 बजे भेल आ हादसामे जाहि 14 लोकक मृत्यु भ गेल अछि, ओ सभ सऊदी अरब केर नागरिक छलथि। हालांकि, अखनि धरि एही हादसाक पाछूक कारणक पता नहि चलि पाओल अछि, मुदा मामिलाक जांच जारी अछि।
ओतय, सऊदी केर ऊर्जा मंत्रालय एही संबंधमे आधिकारिक बयान जारी कय कहलनि कि दुर्घटनाक कारण केर पता लगाबय लेल संबंधित अधिकारीक दिससँ जांच शुरू कय देल गेल अछि। मंत्रालय हादसामे जान गंवाबय वला लोकक परिजनक प्रति गहरी संवेदना सेहो व्यक्त कयलनि।
रिपोर्टक मोताबिक, इ भीषण हेलीकॉप्टर हादसा तहन घटित भेल जखनि सऊदी अरामको शुक्रवार (25 जून, 2026) सँ रास तनूरा स्थित अपन ऑयल टर्मिनलसँ कच्चा तेलक लोडिंग फेरसँ शुरू कयल गेल। इ गतिविधि पिछला करीब चारि महीना धरि पश्चिम एशियामे अमेरिका-इजरायल आ ईरानक बीच जारी युद्ध आ संघर्ष क कारण बंद छल, जकरा युद्धक दुनू पक्षक बीच प्राथमिक शांति समझौता पर साइन भेलाक बाद हालमे फेरसँ बहाल कयल गेल।
