अनुमति देलक, फेर हमला कियाक?:  ईरानी गोलीबारी पर भारतीय जहाजक कैप्टन

नई दिल्ली । समदिया

पश्चिम एशियामे तनाव आब खतरनाक स्तर पर पहुँचि गेल अछि आ एकर सीधा असर समुद्री मार्ग पड़ैत नजर आबि रहल अछि। ईरानक नौसेना द्वारा स्ट्रेट ऑफ होर्मुजमे भारतीय झंडा लागल जहाज पर फायरिंग केर घटना हालातकेँ आओर भड़का देलक अछि। इ ओ रास्ता अछि, जतयसँ दुनियाक पैघ हिस्साक तेल सप्लाई होयत अछि, एहनमे इ घटना बेहद गंभीर मानल जा रहल अछि। एही बीच एही मामिलामे सामने आयल एक ऑडियो क्लिप एही पूरा मामिलाकेँ आओर गर्म कय देलक अछि।

जनतब जे एही संकटक बीच जखनि होर्मुजक रास्ता खुजल तहन ओतय सँ कतेको जहाज गुजरय लागल, मुदा फेर अचानक सँ ईरान यू-टर्न लैत होर्मुज बंद करबाक फैसला कयलक। एतेबे नहि रास्तामे मौजूद सभ जहाजकेँ बलपूर्वक रोकय लागल। एही क्रममे भारतक दूटा जहाजकेँ सेहो रोकलक आ फेर ईरानी रिवोल्यूशनरी गार्ड्स (आईआरजीसी) दिससँ जहाज पर गोलीबारी करय केर बात कहल गेल अछि गई, जकर बाद सँ भारतमे एही बातकेँ ल कय खूब चर्चा चलि रहल अछि।

ई मामिला तखन नव मोड़ लेलक जखनि भारतीय सुपरटैंकर ‘सनमार हेराल्ड’ एही क्षेत्रसँ गुजरैत छल, जाहिमे इराकसँ लगभग 20 लाख बैरल तेल ल जा रहल छल। अचानक ईरानी बंदूकधारी नाव सभ ओकरा पर गोली चला देलक। एहि घटनाक एकटा ऑडियो रिकॉर्डिंग आब मीडियाक काफी ध्यान आकर्षित केलक अछि। मीडिया रिपोर्टक दावा अछि जे ऑडियोमे जे आवाज अछि ओ जहाजक कप्तानक अछि। ऑडियोमे गोलीबारीसँ नाराज कप्तानकेँ ईरानी नेवीकेँ फटकार लगाबैत सुनल जा सकैत अछि।