मिथिला क्षेत्रीय बिहारक मुजफ्फरपुरक कांटी थाना क्षेत्रमे बुधदिन एकटा पैघ नाव दुर्घटना भेल। किछु लोक अपन जमीनक नापी करबाक लेल नावसँ नदी पार कऽ रहल छलाह। तखने नाव पलटि गेल आ ६ गोटे नदीमे डूबय लगलाह। एहिमे दू गोटेक मृत्यु भs गेल। जखन कि चारि गोटेकेँ स्थानीय लोक सुरक्षित बचा लेलक अछि।
ई घटना मुजफ्फरपुर जिलाक कांटी थाना क्षेत्रक कलवारी गामक अछि। जतय लगभग आधा दर्जन लोक जमीन नपबय लेल नाव पर सवार भऽ पुरान गंडक नदी पार कऽ रहल छलाह। एम्हर नाव अचानक बेकाबू भऽ गेल आ नदीक बीचमे पलटि गेल। जकर बाद नाव पर सवार सभ लोक पुरान गंडक नदीमे डूबय लागल, मुदा दुर्घटनाक बाद स्थानीय लोक चारि गोटेकेँ सुरक्षित बचा लेलक। मुदा ताबत धरि पानिमे डूबलासँ दूटा लोकक मृत्यु भऽ गेल। एहि घटनाक बाद क्षेत्रमे हड़कंप मचि गेल। परिवारमे चीख पुकार मचल छल। मृतकक पहिचान कांटी थाना क्षेत्रक कलवारी गामक निवासी डॉ. अजित कुमार चौधरी आ पूर्व सैनिक विद्यानन्द चौधरीक रूपमे भेल अछि।
पूरा मामिला पर एसडीएम पश्चिम श्रेया श्री कहलनि जे दुपहरिया १२ बजे नाव पलटलाक बाद छ गोटे डूबि गेलाह। चारि गोटेकेँ सुरक्षित बचा लेल गेल अछि। दूटाक मृत्यु भऽ गेल। अछि। मृतक कांटी थाना क्षेत्रक निवासी छथि। दुनू शवक पोस्टमार्टमक लेल भेजि देल गेल अछि। आगूक कार्रवाई कएल जा रहल अछि।
