बिहारक कैमूर जिलाक मोहनिया थाना क्षेत्रमे देवकली लग एकटा तेज रफ्तार स्कॉर्पियो बाइक केर मारैत, दोसर लेनमे जा आगूसँ एकटा ट्रक सँ टकरा गेल, जाहिमे स्कॉर्पियोमे सवार दू टा महिला सहित कुल आठ गोटे आ एकटा बाइक सवार यानी कुल ९ गोटेकेँ घटनास्थले पर मृत्यु भऽ गेल। पुलिस गाड़ीसँ सभटा शव निकालि पोस्टमार्टम लेल पठौलक अछि। कैमूरक डीएम सावन कुमार आ एसपी ललित मोहन शर्मा सदर अस्पताल भभुआ पहुँचलाह जतय पोस्टमार्टम कयल गेल आ परिवारक सदस्यकेँ सूचित कयल गेल। मृतकमे छोटू पाण्डे एकटा प्रसिद्ध गायक छथि जे बक्सर जिलाक इटाढ़ी थाना क्षेत्रक देवरिया गामक निवासी छथि।
कैमूरक जिला मजिस्ट्रेट सावन कुमार कहलनि जे देवकली लग स्कॉर्पियो बाइकसँ टकराईत ट्रकसँ टकरायल, जाहिमे बाइक सवार सहित कुल ९ लोकक मृत्यु भऽ गेल। मृतकमे गाड़ीक मालिक आ दूटा महिला सेहो कहल जा रहल अछि। सबकेँ शव पोस्टमॉर्टम हाउस भभुआ भेज देल गेल अछि। मृतकक पहिचान कानपुरक सिमरन श्रीवास्तव आ सत्य प्रकाश मिश्र, वाराणसीक आँचल तिवारी, बक्सर जिलाक गम्हरियासँ सत्य प्रकाश राय आ बक्सरक छोटू पाण्डेयक रूपमे भेल अछि। परिवारक सदस्यकेँ सूचित कए देल गेल अछि। पोस्टमार्टमक बाद शव परिवारकेँ सौंपि देल गेल।
मोहनियाक डीएसपी दिलीप कुमार कहलनि जे कुल ८ गोटे सासारामसँ स्कॉर्पियो पर वाराणसी जा रहल छलाह। तखन मोहनिया थाना क्षेत्रक एनएच २ पर देवकली लग स्कॉर्पियो बाइक सवारकेँ टक्कर मारलक आ डिवाइडर पार कऽ दोसर लेनमे आगूसँ आबि रहल ट्रकमे टक्कर मारि देलक।
