संयुक्त राष्ट्र महासभामे 26 सितम्बरकेँ भारतक पक्ष रखताह जयशंकर
नई दिल्ली । समदिया
विदेश मंत्री डॉ. एस. जयशंकर 26 सितंबरकेँ न्यूयॉर्कमे आयोजित संयुक्त राष्ट्र महासभाक 81म सत्रक हाई-लेवल सेशनमे भारतक पक्ष रखताह। विदेश मंत्रालयक अनुसार, ओ हाई-लेवल वीकमे भारतीय प्रतिनिधिमंडलक नेतृत्व करताह।
जयशंकर अपन यात्राक दौरान विभिन्न बहुपक्षीय आ द्विपक्षीय बैठकमे सेहो भाग लेताह। संयुक्त राष्ट्र महासभाक आम बहसमे 193 सदस्य देशक राष्ट्राध्यक्ष, प्रधानमंत्री आ वरिष्ठ प्रतिनिधि अपन देशक प्राथमिकता आ वैश्विक मुद्दापर विचार प्रस्तुत करताह।
एहि सत्रमे वैश्विक सहयोग, सतत विकास लक्ष्य, शान्ति, सुरक्षा आ बदलैत वैश्विक चुनौती सभपर चर्चा होएत। 81म सत्रक अध्यक्षता बांग्लादेशक खलीलुर रहमान करताह।
