टीएमसीक लेल पैघ झटका, तीन पूर्व सांसद भाजपामे शामिल

कोलकाता। समदिया

तृणमूल कांग्रेस (टीएमसी) केँ काल्हि बृहस्पतिकेँ फेरसँ पैघ झटका लागल अछि। टीएमसीसँ राज्यसभाक तीनटा पूर्व सांसद काल्हि भारतीय जनता पार्टीमे शामिल भ गेलाह। भाजपामे शामिल होमय वलामे सुष्मिता देव, प्रकाश चिक बराइक आ सुखेंदु शेखर रॉय शामिल छथि। पश्चिम बंगाल भाजपा अध्यक्ष समिक भट्टाचार्यक उपस्थितिमे तीनू नेता कोलकातामे पार्टी सदस्यता ग्रहण कयलनि।

एहि अवसर पर राज्य भाजपा अध्यक्ष समिक भट्टाचार्य कहलनि जे, “वाम मोर्चा 34 साल धरि शासन कयलक, ओकर बाद तृणमूल कांग्रेस सरकार। एतेक दिन धरि पश्चिम बंगालमे जे राजनीति प्रचलित छल, ओ हमरा सभक संघीय संरचनाकेँ नकारि देलक आ चुनौती देलक। केंद्र सरकारक संग सहयोगक बजाय टकरावक रास्ता अपनाओल गेल, जाहिसँ विकास पूर्ण रूपसँ ठप्प भ गेल। एहि पृष्ठभूमिक विरुद्ध आ हुनका सभकेँ ठाढ़ कय देल गेल।” प्रधानमंत्री नरेंद्र मोदीक नेतृत्व पर भरोसाक कारण ई तीनू सांसद तृणमूल कांग्रेससँ इस्तीफा द देलनि।”

ओ आगू कहलनि जे, “आइ सुष्मिता देव, प्रकाश चिक बराइक आ सुखेंदु शेखर रॉय भारतीय जनता पार्टीमे शामिल भ गेल छथि। ई तीनू एहन प्रमुख नेता छथि जिनक राज्यसभामे प्रदर्शन सभ गोटे केर जानल पहिचानल अछि।”

“हमरा लेल ई एगो आनन्ददायक अवसर अछि आ भाजपा गदगद अछि। भाजपाक दिससँ आ राज्य पार्टीक अध्यक्षक रूपमे हमर कार्यकर्ता, मुख्यमंत्री सुवेन्दु अधिकारी, पूरा मंत्रिमंडल आ पूरा संगठनक दिससँ हम एही तीनू नेताकेँ दिलसँ आ हर्षित भ स्वागत करैत छि।”

भाजपामे शामिल भेलाक बाद टीएमसी राज्यसभाक पूर्व सांसद सुष्मिता देव कहलनि जे, “जेना कि हम पहिने कहने छी, प्रधानमंत्री नरेंद्र मोदीक नेतृत्वमे देशभरि आओर ‘डबल इंजन’ सरकार वला राज्यमे जे काज पूरा भेल अछि ओकरासँ इनकार नहि कएल जा सकैत अछि। एकर खंडन कियो नहि कय सकैत अछि। हम पश्चिम बंगालक लोककेँ कहय चाहैत छी जे मुख्यमंत्री सुवेन्दु अधिकारी आ प्रधानमंत्री मोदीकेँ मात्र दू साल दियौं।” अहां देखब जे जहिना असम आ त्रिपुराक दृश्य बदलल अछि तहिना पश्चिम बंगालक चेहरा सेहो पूर्ण रूपसँ बदलत।