देशक निर्वाचन आयोग शुक्रदिन लोकसभा चुनावक घोषणा कऽ देलक अछि। निर्वाचन आयोग बिहारक ४० सीटपर लोकसभा चुनावक तारीखक घोषणा कऽ देलक अछि। बिहारमे सात चरणमे मतदान होएत।
निर्वाचन आयोग शनिदिन दुपहरियामे बिहारक ४० सीटक तारीखक घोषणा कयलक। पछिला लोकसभा चुनाव सात चरणमे भेल छल। लोकसभाक वर्तमान कार्यकालक अवधि १६ जूनकेँ समाप्त भऽ रहल अछि। मुख्य निर्वाचन आयुक्त राजीव कुमार कहलनि जे बिहारक ४० सीटपर सात चरणमे मतदान होयत। पहिल चरणक मतदान १९ अप्रैलकेँ होयत आ मतगणना ४ जूनकेँ होयत।
मतदान एहि प्रकरें सात चरणमे :
पहिल चरण – १९ अप्रैल
दोसर चरण – २६ अप्रैल
तेसर चरण – ७ मई
चारिम चरण – १३ मई
पाँचम चरण – २० मई
छठम चरण – २५ मई
सातम चरण – १ जून
वोटक गिनती- ४ जून
बिहारकेँ एकटा संवेदनशील राज्य मानल जाइत अछि। पछिला लोकसभा चुनाव २०१९ मे सेहो सात चरणमे चुनाव भेल छल। पहिल चरणमे चारिटा सीट, दूसर, तेसर, चारिम आ पाँचम चरणमे पाँच-पाँच सीटक लेल मतदान भेल छल। एकर अतिरिक्त छठम आ सातम चरणमे आठ-आठ सीटपर मतदान भेल छल। पहिल चरणक मतदान ११ अप्रैलकेँ भेल छल आ सातम आ अन्तिम चरणक मतदान १९ मईकेँ भेल छल। एहि चुनावक परिणाम २३ मईकेँ जारी कयल गेल छल।
पछिला चुनावमे एनडीए (भाजपा, जदयू आ लोजपा बिहारक परिणाममे पैघ सफलता प्राप्त कयने छल। एनडीए कुल ४० लोकसभा सीटमेसँ ३९ सीट जितने छल, जखन कि महागठबंधन अर्थात कांग्रेस किशनगंजमे मात्र एकटा सीट जितलक।
