विद्यार्थी परिषद अम्बेडकर जयंतीकेँ मनाओत सामाजिक समरसता दिवसक रूपमे : मोनू झा

सहरसा समदिया
*

अखिल भारतीय विद्यार्थी परिषद द्वारा सोमदिन शंकर चौक मंदिर परिसरमे नगर मंत्री अंशु कुमारक अध्यक्षतामे एकटा महत्वपूर्ण बैसार आयोजन कयल गेल। जाहिमे निर्णय लेल गेल जे अम्बेडकर जयंती 14 अप्रीलकेँ पुष्प श्रद्धांजलि आ चिकित्सा शिविरक आयोजन कयल जायत।ओतहि जरूरतमंद लोकक बीच सहयोग सेहो कयल जायत। बैसारमे राज्यक सहमंत्री मनीष चौपाल कहलनि जे विद्यार्थी परिषद अम्बेडकर जयंतीकेँ सामाजिक समरसता दिवसक रूपमे मनाओत। विभाग संयोजक गौरव ठाकुर कहलनि जे परिषद साल भरि छात्र आ समाजक हितमे काज करैत रहैत अछि। जकर तहत हम सब भारतक महान पुरुषक जन्मोत्सव सेहो मनाबैत छी। राज्य विधिक संयोजक मोनू झा कहलनि जे अखिल भारतीय विद्यार्थी परिषद द्वारा डा भीमराव अम्बेडकरक जयंती सेहो मनाओल जाइत अछि। हम सब सेवा कार्य केर माध्यमसँ समाजक अंतिम चरणसँ लोककेँ समाजक मुख्य धारामे जोड़बाक सेवा करैत छी। जाहि केर तहत एहि बेर सेवा बस्तीमे मेडिकल कैंपक आयोजन करबाक फैसला कएल गेल अछि। एहि बैठकमे पूर्व जिला समन्वयक मायानंद सिंह, नगर मंत्री अंशु कुमार, रितेश मिश्र, जनक कुमार, शुभम केशरी, मुरारी कुमार, निरंजन झा, विवेक कुमार सिंह, देवेश भारती, आदि कार्यकर्ता उपस्थित रहलाह।