वीर शिवाजी टी ट्वेंटी क्रिकेटमे बनारस (भारत) केर हरा कय रौतहट (नेपाल) क्वार्टर फाइनलमे

मधुबनी समदिया

*

रामनिरंजन जनता स्नातक महाविद्यालय रामपुर मधवापुरक विशाल मैदानमे आयोजित आठम वीर शिवाजी टी ट्वेंटी क्रिकेट कप टूर्नामेंटक पहिल नॉकआउट लीग मुकाबलामे शुक्र दिन रौतहट (नेपालक) टीम बनारस (यूपी) केर चारि विकेटसँ पराजित कय क्वार्टर फाइनलमे पहुंच गेल। मैचमे बनारस केर कप्तान ओम सागर टॉस जीत कय पहिने बल्लेबाजी करबाक निर्णय लेलक। निर्धारित 20 ओवरमे बनारस टीम 8 विकेट गंवा कय 220 रन बनौलक। जाहिमे अभिषेक 36 गेंद पर 66 रन, अफसर कुरैशी 19 गेंद पर 33 रन आर कप्तान ओम सागर 12 गेंद पर 23 रनक योगदान देलैन्ह।

जवाबमे लक्ष्य पार करय उतरल रौतहट टीम 19.4 ओवरमे 6 विकेट केर नुकसान पर लक्ष्य पार कय चारि विकेटसँ मैच जीत गेल। रौतहट टीमक रेहान 78 आ सन्नी 43 रनक योगदान देलैन्ह। मैचक मैन ऑफ द मैच रौतहट टीमक रेहान जाकिरकेँ भेटलैन्ह। ओ ताबड़तोड़ बल्लेबाजी करैत 46 गेंद मे 9 चौका आर पांच छककाक सहयोग सँ 78 रन बनौलैन्ह। मैचक समापनक उपरांत विजेता टीमक कप्तान योगराज शर्मा केर आयोजक समिति द्वारा विजेता कपसँ सम्मानित कयल गेलैन्ह। शनि दिन टूर्नामेंटक दोसर नॉकआउट मुकाबला हरिने बनाम पटना टीमक बीच।