मिथिला क्षेत्रीय बिहारक जमुई जिलासँ एकटा बलजोरी बिआहक समाचार अछि। एकटा युवक जहिना बीपीएससी शिक्षक बनल, लड़कीक परिवार ओकर अपहरण कऽ मन्दिरमे ओकर बिआह करा देलक। एहि दौरान लड़का बेर-बेर कहैत रहल जे हम एकरा संग नहिं रहि सकब। भले अहां बिआह करा दिय वा हमरा मारि दियौ।
अक्सर एहेन घटना बिहारमे घटैत अछि जे कोनो युवककेँ जँ बिहारमे सरकारी नौकरी भेटैत छैक, तँ लड़कीवाला ओकरा जबरदस्ती पकड़ि बेटीसँ बिआह करा दैत अछि। यद्यपि आधुनिक युगमे ई सब कम होबय लागल छल। मुदा आब किछु मामिला एहि तरहक भऽ रहल अछि, जाहिमे लोक अपन बेटीक जबरदस्ती ओहि लड़का सँ बियाह कऽ दैत छथिन, जिनका सरकारी नौकरी भेटैत अछि।
बिहारक जमुई जिलामे रहनिहार युवक मुकेश कुमार बर्मा हालहिमे बीपीएससीक परीक्षा उत्तीर्ण कऽ शिक्षक बनलैथ। जहिना एहि बातक खबरि पसरल, कोनो लड़कीवाला ओकर अपहरण कऽ लेलक आ अपन बेटीक विवाह मुकेशसँ करा देलक।
कहल जा रहल अछि जे वर एहि विवाहक लेल बेर-बेर मना कऽ रहल छलथि। जखन ओ बेसी विरोध कयलनि तखन लड़कीक परिवार हुनका संग मारि-पीट कयलक। एहि विवाहक एकटा वीडियो सेहो सोशल मीडिया पर वायरल भऽ रहल अछि। जाहिमे ओ कहैत देखल जाइत अछि जे हमरा मारि दियौक, मुदा ई बिआह नहि करब, किएक तँ हम बिआह भेलाक बादो एकरा संग नहिं रहि सकब।
लड़कीवाला युवककेँ विवाह करयबाक लेल घरसँ उठा लेने छलाह आ मन्दिर लऽ गेलाह आ जबरदस्ती अपन बेटीक ओकरासँ विवाह कऽ देलनि। एहि घटनाक समय बहुत लोक उपस्थित छल। वरक रूपमे उपस्थित मुकेश जमुई जिलाक गिद्धौरक बनझूलियामे सहायक शिक्षकक रूपमे पदस्थ छथि।
