प्रधान डाकघर सहित सब उप शाखा डाकघरमे तिरंगा झंडा ब्रिकी लेल उपलब्ध : मनोज कुमार

सहरसा समदिया
*

हर सालक भाँति एहि साल सेहो डाक विभाग स्वतंत्रता दिवसक अवसर पर हर घर पर तिरंगा फहराबय केर पूरा तैयारी कयलक अछि। शनिदिनसँ डाक संभागक सभ डाकघरमे तिरंगा बिक्री लेल उपलब्ध भऽ जाएत। 25 रुपैया कए निश्चित राशि दऽ कऽ लोक तिरंगा झंडा खरीद सकैत छथि। जानकारी दैत डाक अधीक्षक मनोज कुमार कहलनि जे, डाक विभाग द्वारा तिरंगा झंडा सब मुख्य डाकघर, 50 उप डाकघर आ 530 शाखा डाकघरमे उपलब्ध कराओल गेल अछि। जिनकर दाम मात्र 25 रुपैया तय अछि। सब ग्राहक अपन नजदीकी डाकघरसँ वा ऑनलाइन खरीद सकय छी। सब ऑनलाइन बुकिंग 24 घंटाक भीतर बिना कोनो अतिरिक्त शुल्कक ग्राहक तक पहुंचाओल जा रहल अछि। ओ कहला जे हर घरमे तिरंगा अभियानक असर आम लोक पर पड़ैत देखा रहल अछि। राष्ट्रीय हितमें स्वतंत्रता दिवसक लेल उच्च गुणवत्ता वाला राष्ट्रीय झंडा डाकघरमे उपलब्ध अछि। ओ आम लोकसँ आग्रह कयलथि जे हर घर पर तिरंगा फहराबय लेल अपन नजदीकी डाकघरसँ तिरंगा खरीदथि। एकर उचित दाम तय कएल गेल अछि।