महानगरक तर्ज पर यातायात पुलिसकेँ भेटल आधुनिक आ आवश्यक उपकरण, जामक समस्या होयत समाप्त : प्रवीण कुमार

सहरसा समदिया
*

शहरमे यातायात प्रणालीकेँ बेहतर बनेबाक लेल यातायात पुलिसकेँ आधुनिक आ आवश्यक उपकरणक संग-संग नव वाहन उपलब्ध कराओल गेल अछि। सोमदिन ट्रैफिक पुलिस पुरुष आ महिला ट्रैफिक पुलिस कर्मीक नवीनतम ट्रैफिक उपकरण आ नव गाड़ीसँ लैस कयलक। ट्रैफिक जवानक डीएसपी प्रवीण कुमार द्वारा उपकरण आ ड्रेस देल गेल। ट्रैफिक थानामे आयोजित प्रेस कॉन्फ्रेंसकेँ संबोधित करैत यातायात डीएसपी प्रवीण कुमार कहला जे कोसी क्षेत्रक डीआईजी आ पुलिस अधीक्षकक निर्देशनमे राज्य मुख्यालयमे वायरलेस सेट, नव वाहन, ट्रैफिक ड्रेस, रेनकोट, चश्मा आ सुचारू ट्रैफिक उपकरण उपलब्ध कराओल गेल अछि। संगहि क्यूआरटी टीम गठन कयल गेल। ई टीम शीघ्र कारवाई कए संग-संग जामक समस्यासँ निपटयमे सक्षम होयत। संगहि शहरमे कोनो आपराधिक घटनाकेँ नियंत्रित करबा लेल तत्काल कारवाई कए अपराध पर लगाम लगाओल जाएत। संगहि ट्रैफिक पुलिस जल्दिये टोल फ्री नंबर जारी करत। शिकायत पर ट्रैफिक पुलिस 10 सँ 15 मिनटमे मौका पर पहुंचत आ जामक समस्याक समाधान करत। डीएसपी प्रवीण कुमार कहला जे अतिक्रमण शहरवासी लेल पैघ समस्या अछि। जकर कारणेँ प्रायः जाम लगैत अछि । दोकानदार सब अपन सामान अपन दोकानक सामने सड़क पर राखि दैत अछि। जकर कारणेँ ट्रैफिक बाधित होइत अछि। सब दोकानदारकेँ सड़कसँ सामान निकालबाक सख्त निर्देश देल गेल अछि।अगिला सात दिनमे ट्रैफिक पुलिस बस स्टैंडसँ स्टेशन, शंकर चौकसँ बंगाली बाजार, शंकर चौकसँ महावीर चौक, महावीर चौकसँ चांदनी चौक तक ऑपरेशन करत आ शरणार्थी चौक पर अतिक्रमण दूर करबाक अभियान कचहरी चौकसँ कोशी रोड शिवपुरी ढाला धरि चलाओल जायत। ओ कहलनि जे, महानगरक तर्ज पर शंकर चौक आ थाना चौक पर कैमरा लगाओल जायत। जे यातायात नियमक उल्लंघन करय वालाक पहचान करत आओर हुनका पर ऑनलाइन चालान भेजत आओर जुर्माना वसूली करत। ट्रैफिक पुलिस शहरमे यातायातक नियमक पालन करय आओर शहरमे बेटर ट्रैफिक केर सुचारू रूपसँ राखयमे सहयोग करय केर अपील कयलक अछि। यातायात प्रणाली लेल आवश्यक अछि जे सब गोटेकेँ सहयोग करबाक चाही। एहन कदम उठा कय यातायात पुलिस शहरक यातायात केर सुधार आ जाम केर समस्यासँ मुक्तिक कोशिश कय रहल अछि। आब देखबाक अछि जे एहि प्रयासक भविष्यमे की असर पड़त आ शहरक निवासी एहि दिशामे कोना सहयोग करैत छथि। एहि अवसर पर पुलिस निरीक्षक राम सिंह, पुलिस निरीक्षक रविश रंजन सहित अन्य जवान उपस्थित रहलाह।