एकटा अधिकारीक जिद्दक कारण विद्यार्थी आ शिक्षक दुनू संकटमे – शिक्षक संघ
*
पटना
*
बिहार सरकारक शिक्षा विभागक अपर मुख्य सचिव केके पाठक स्कूल खोलबाक आदेश देलनि अछि। सरकारक एहि निर्णय पर बिहारमे शिक्षक संघ आक्रोशित भऽ गेल अछि।
पूरा बिहार आइ-काल्हि भयंकर शीतलहरीसँ जूझि रहल अछि। स्थिति एहन भऽ गेल अछि जे लोक कतेको दिनसँ सूर्य नहिं देखि पाबि रहल अछि। बिहारमे एतेक कठोर जाड़मे सेहो स्कूल खोलल जा रहल अछि। प्रतिकूल मौसमकेँ देखैत मौसम विभाग द्वारा रेड अलर्ट जारी कयल गेल अछि। एकर बादो राज्यक सभटा स्कूल हाड़ ठंढा करयवला ठंढामे खुजल अछि। वास्तवमे बिहार सरकारक शिक्षा विभागक अपर मुख्य सचिव केके पाठक स्कूल खोलबाक आदेश देलनि अछि। एहि आदेशक बाद ठंढमे सेहो सभ स्कूल खोलब मजबूरी अछि। एहि कारणेँ सरकारक निर्णय पर बिहारमे शिक्षक संघक आक्रोश भड़कि गेल अछि।
राज्यमे २९ जनवरी धरि शीतलहरक लेल रेड अलर्ट जारी अछि। एहन स्थितिमे शिक्षक सब जिला मजिस्ट्रेटसँ स्कूल बंद करय केर अपील कयलनि अछि। हमरासभकेँ मजबूर नहिं करू। शिक्षक संघ सम्बन्धित जिलाक जिलाधिकारीसभसँ अपन शक्तिक उपयोग करबाक अपील करबाक लेल कहलनि अछि। भयंकर ठंढ़क बादो बिहारमे निजी आ सरकारी दुनू तरहक स्कूल खुजल अछि।
शिक्षक संघक कहब अछि जे स्कूल जायवला बच्चाक सङ्ग-सङ्ग शिक्षक सेहो बीमार भऽ रहल छथि। संघ शिक्षा विभागकेँ एकटा संवेदनहीन विभाग बतौलक अछि आ बच्चासभक मृत्युक लेल जिम्मेदार ठहरौलक अछि। संगहि कहलक “एकटा अधिकारीक जिद्दक कारण बिहारमे शिक्षक आ छात्र दुनू संकटमे छथि। शिक्षक संघ मुख्यमंत्री नीतीश कुमारसँ अपील केलक जे मुख्यमंत्रीकेँ अपन संज्ञानमे लेबाक चाही, नहिं तऽ आब संग्राम होयत।
