इजरायल हमास पर कएलक भीषण हमला

२४ घंटाक दौरान १३३ फिलिस्तीनीक मौत
*
नई दिल्ली
*
गाजा पट्टीमे इजरायलक तरफसँ हवाई हमला आ तोपक गोला दागल जा रहल अछि, जाहि कारण रवि कऽ कमसॅं कम १३३ फिलिस्तीनीक मृत्यु भेल आ अनेक घायल भेल।
चिकित्सा विभागसॅं जुड़ल एकटा फिलिस्तीनी सूत्र न्यूज एजेंसी केर बतौलक, पिछिला दिन इजरायल हमलामे मारल गेल कमसॅं कम १३३ फिलिस्तीनीक शव गाजा पट्टीक अस्पतालमे लाओल गेल, जाहिमे सॅं ४५ केर पुष्टि मध्य गाजाक अल-अक्सा अस्पतालमे कएल गेल। सुरक्षा सूत्र आ प्रत्यक्षदर्शी बतौलक कि इजरायली युद्धक विमान मध्य गाजा पट्टीमे नुसीरात, अल-मगाजी आ अल -जवैदा शरणार्थी शिविर पर एक साथ हमला कयलक।
सूत्र कहलक कि गाजा शहरमे अल -तुफा, अल-शुजाइया आ शेख राडवानक इ उत्तरी गाजा पट्टीक अनेक इलाकामे निशाना बना गोला दागल गेल।ओ बतौलक कि दक्षिणी गाजा पट्टीमे जोरदार धमाकाक आवाज सुनल गेल। सूत्रक मुताबिक, इजरायली विमान खान यूनिसक दक्षिणमे अनेक इलाकामे हमला कएलक, जाहिमे खान यूनिस आ राफा के बीचक सड़क केर निशाना बना कय हमला कएल गेल।अहि बीच खान यूनिस आ जबालिया कैंपमे अनेक दिशामे घुसल फिलिस्तीनी आतंकवादी आ इजरायलीक बीच भीषण लड़ाई जारी रहल।