गिरफ्तार करय वा मारि दै, हम बांग्लादेश वापस लौटब : शेख हसीना

नई दिल्ली। समदिया

बांग्लादेशक पूर्व प्रधानमंत्री शेख हसीना ऐलान किया कयलनि कि ओ स्वेच्छासँ दिसंबरक आसपास अपन देश वापस आबिकेँ कोर्टक सामने आत्मसमर्पण कय देतीह। ओ स्वीकार कयलनि जे वापसी पर गिरफ्तारी आ हत्या केर सामना करय पड़ि सकैत अछि, तइयो ओ अपन देश वापस जा कोर्टमे आत्मसमर्पण करबाक लेल संकल्पित छथि।

समाचार एजेंसी रायटरसँ बात करैत 78 वर्षीय शेख हसीना कहलनि जे हुनका वापसी केर जोखिमक पूरा अंदाजा अछि। ओ बजलीह, “हमर वापसी पर गिरफ्तारी भ सकैत अछि वा मारि सकैत अछि। तइयो हमरा वापस जयबाक अछि।” हसीना कहलनि कि हुनक पार्टी अवामी लीग केर नेता आ कार्यकर्ताकेँ लगातार दमन केर सामना करय पड़ैत अछि। भावुकतापूर्वक बजैत ओ कहलीह जे जँ हुनक मृत्यु होयत अछि तँ अपन देशक मिट्टी पर, जतय हुनक माता-पिता दफन छथि आ जतय हुनक खून बहल छल।

जनतब दी जे अगस्त 2024 मे छात्रक नेतृत्वमे आन्दोलनक बीच बांग्लादेश छोड़लाक बाद शेख हसीना भारत पहुँचल छलथि। छात्रक नेतृत्वमे व्यापक विरोधक कारण हुनक सरकार खसि पड़ल आ तहियासँ ओ निर्वासनमे रहय लगलीह। ओ ईहो स्पष्ट कयलनि कि हुनक बांग्लादेश वापसीक संबंधमे ढाका केर वर्तमान सरकार वा ओकर अधिकारीसँ कोनो तरहक चर्चा नहि भ सकल अछि।

शेख हसीना केर इ बयान तहन आयल जखनि किछु महीना पहिने बांग्लादेशक अंतर्राष्ट्रीय अपराध न्यायाधिकरण हुनका मानवताक खिलाफ अपराध केर दोषी ठहरौलक आ फांसीक सजा सुनौलक। कोर्ट ई तय कयने छल जे 2024 केर छात्र आंदोलनक दौरान प्रदर्शनकारी पर दबाव बनेबामे शेख हसीनाक भूमिका छल। फैसलामे कहल गेल छल जे ओ वा तँ प्रदर्शनकारीकेँ मारबाक आदेश देलथि वा फेर ओकरा रोकबामे असफल रहलाह।

एही मामिलामे कोर्ट बांग्लादेशक पूर्व गृहमंत्री असदुज्जमान खान कमालकेँ सेहो फांसीक सजा सुनाओल गेल अछि। अहिना, पूर्व पुलिस महानिरीक्षक चौधरी अब्दुल्ला अल-मामूनकेँ पांच सालक जेलक सजा सुनाओल गेल अछि। कोर्ट शेख हसीना आ असदुज्जमान खान कमालकेँ संपत्ति जब्त करबाक आदेश सेहो देलक अछि। आब दिसंबरमे शेख हसीना केर बांग्लादेशमे संभावित वापसीक संबंधमे घोषणा एक बेर फेर देश केर राजनीतिक परिदृश्यमे हलचल मचौलक अछि।