घटना

समस्तीपुरमे एल्युमीनियम फैक्ट्रीक बॉयलर फाटलासँ दूटा गोटाक मृत्यु, आधा दर्जन घायल

समस्तीपुर समदिया
*

समस्तीपुर जिलामे बुधदिन एकटा पैघ दुर्घटना भेल। एकटा एल्यूमीनियम कारखानाक बॉयलरमे भेल विस्फोटमे दूटा मजदूरक मृत्यु भऽ गेल आ आधा दर्जन लोक घायल भऽ गेल। विस्फोट एतेक शक्तिशाली छल जे कारखाना पूर्ण रूपसँ तबाह भऽ गेल। घटनाक बाद पुलिस आ स्थानीय गामक लोक तत्काल घटनास्थल पर पहुँचि बचाव आ राहत अभियान शुरू कऽ देलक।मलबासँ लोककेँ हटाबय लेल जेसीबी आनल गेल।

ई घटना वैनी थाना क्षेत्रमे स्थित एकटा कारखानामे भेल।
दुर्घटनाक बाद सभटा घायलकेँ इलाजक लेल अनुविभागीय अस्पताल पूसा, ताजपुर रेफरल अस्पताल, आ सदर अस्पताल पठाओल गेल। हलांकि, घायल आ मृतकक सही संख्याक आधिकारिक पुष्टि एखनी धरि नहि भेल अछि। दुर्घटनाक समय कारखानामे कतेक लोक उपस्थित छलाह एकर अनुमान लगायब एखन संभव नहि अछि। विस्फोटक बाद घटनास्थल पर दहशत पसरि गेल। एहतियातक रूपमे एहि क्षेत्रके खाली कराबैत लोकके निकालल जा रहल छल।जानकारीक अनुसार एहि ब्लास्टमे एकटा मजदूरक मुरी उड़ि गेल अछि, ओतहि कतेको लोकके हाथ आ पैरक चिथड़ा भऽ गेल।

एसडीओ आ एसडीपीओ अन्य अधिकारीक संग घटनास्थल पर पहुँचि गेल छलथि। स्थितिकेँ नियंत्रित करबाक प्रयास जारी छल। एसडीपीओ सूचित कयलनि जे तापमानमे अचानक वृद्धिक कारण बॉयलरमे विस्फोट भेल। एकटा व्यक्तिक मृत्यु भऽ गेल अछि आ दोसर व्यक्तिक मृत्यु होयबाक सम्भावना अछि। राहत आ बचाव कार्य जारी अछि। मृतक युवकक पहिचान एखन धरि नहि भेल अछि। हुनकर पहिचान करबाक प्रयास जारी अछि।

Spread the love

Leave a Reply

Your email address will not be published. Required fields are marked *