अपराध

सीतामढ़ीमे कदीमाक खेतमे किसानक निर्दयतासँ हत्या, आशंका कदीमा चोर पर

सीतामढ़ी समदिया
*

डुमरा थाना क्षेत्रक लगमा पेट्रोल पम्प लग खेतमे प्रायः कदीमा चोराबय लेल आयल चोर सोमदिन देरि राति किसानकेँ ईंटा आ चाकूसँ मारि देलक। चोर किसानक आंखि सेहो फोड़ि देलक। किसानक पहिचान लगमा गामक निवासी मौजे साहक पुत्र सुरेन्द्र साह (४०) के रूपमे भेल अछि।

जानकारीक अनुसार पिछला किछु दिनसँ किसानक खेतमे कदीमाक चोरी भऽ रहल छल। किसान सुरेन्द्र ओही खेतक पहरा देबय लेल गेलाह। जखन ओ देर राति धरि घर नहिं घुरलाह तखनि परिजन हुनका तकबाक लेल खेत दिस निकलि गेल। जहिना ओ खेत लग पहुँचलाह देखलनि जे सुरेन्द्र खूनसँ लथपथ भऽ गेल छथि। हुनका तुरन्त सीतामढ़ीक एकटा क्लिनिक लऽ जायल गेल, जतय डॉक्टर हुनका मृत घोषित कऽ देलक। स्वजन आशंका व्यक्त कयलनि जे कदीमा चोराबय लेल खेतमे आयल चोर हुनका मारि देलक। घटनाक सूचना भेटैत डुमरा थानाक प्रमुख अमरेन्द्र कुमार घटनास्थल पर पहुँचलाह। घटनास्थल पर एकटा श्वान दस्तासँ तलाशी लेल गेल मुदा कोनो सुराग नहिं भेटल। थाना प्रमुख कहलनि जे पीड़ित परिवार एखन धरि आवेदन नहिं देलक अछि। आवेदन भेटलापर प्राथमिकी दर्ज कयल जायत आ आगूक कारवाई कयल जायत। एसपी मनोज कुमार तिवारी बतौलनि जे पूरा घटनाक जांच कएल जा रहल अछि। दोषीकेँ छोड़ल नहिं जाएत।

Spread the love

Leave a Reply

Your email address will not be published. Required fields are marked *