बिहारमे एकटा आओर मुठभेड़, ताजपुरमे गोलीसँ अपराधी घायल
समस्तीपुर। समदिया
समस्तीपुरक ताजपुर थाना क्षेत्रमे पुलिस आ अपराधी तत्वक बीच गोलीबारीमे दू अपराधी घायल भ गेल। पुलिस दुनू गोटे केर इलाजक लेल समस्तीपुर सदर अस्पतालमे भर्ती करा देलक अछि, जतय सुरक्षाक कड़ा इंतजाम कयल गेल अछि। पुलिसक अनुसार घायल अपराधीमे सँ एकटा मुजफ्फरपुरक अछि, जखन कि दोसर समस्तीपुरक अछि।
बिहारक समस्तीपुर जिलासँ पैघ खबरि सामने आबि रहल अछि। राज्यमे काल्हि एकटा आओर मुठभेड़ भ गेल। समस्तीपुरमे पुलिससँ मुठभेड़क दौरान दू टा अपराधी केर गोली लागय केर खबरि अछि। दुनू घायल व्यक्तिकेँ समस्तीपुर सदर अस्पतालमे भर्ती कराओल गेल अछि। पुलिसक अनुसार, दुनू आदमी पर डकैतीक आरोप सहित कतेको आपराधिक मामिला दर्ज अछि।
खबरि केर अनुसार ई मुठभेड़ ताजपुर थानाक अधिकार क्षेत्रमे भेल अछि। पुलिसकेँ अपराधीक मौजूदगीक बारेमे सूचना भेटल छल आओर एकटा टीम कार्यवाही करय लेल पहुंचल छल। पुलिस आ अपराधीक बीच मुठभेड़ भ गेल। पुलिस केर दावा अछि जे, बादमे भेल गोलीबारीक दौरान दुनू अपराधीकेँ गोली मारल गेल आ घायल भ गेल। जनतब केर अनुसार पुलिसक खुफिया जानकारी भेटल छल जे अपराधी बंगरा थाना क्षेत्रमे एकटा पैघ अपराध केर साजिश रच रहल अछि। एहि जानकारी पर काज करैत समस्तीपुर पुलिस आ स्पेशल टास्क फोर्स (एसटीएफ) संदिग्धक पता लगाबय लागल।
पीछा करय केर दौरान अपराधी समस्तीपुर आ वैशाली जिलाक सीमा पर स्थित बालिगांव लग पुलिस टीम पर गोली चला देलक। पुलिस आत्मरक्षामे जवाबी कार्यवाही कयलक, जाहिमे एकटा संदिग्ध अमन कुमारक पैरमे गोली लागि गेल। एम्हर दोसर अपराधी मौकासँ भागबाक प्रयासमे घायल भ गेल। दुनू घायल अपराधीकेँ गिरफ्तार कय समस्तीपुर सदर अस्पतालमे भर्ती कराओल गेल, जतय फिलहाल ओकर इलाज चलि रहल अछि। पुलिसक कहनाय अछि जे दुनू व्यक्ति केर कतेको पैघ आपराधिक मामिलाक सिलसिलामे वांछित कयल गेल छल। घटनाक बाद इलाकामे सुरक्षा बढ़ा देल गेल अछि। पुलिस एहि मामिलाक जांच कय रहल अछि आओर दुनू संदिग्धकेँ आपराधिक पृष्ठभूमिक जांच भ रहल अछि। एकटा मुजफ्फरपुरसँ अछि तन दोसर समस्तीपुरसँ।
