मदरसाक निरीक्षणक आड़मे विभाजनकारी माहौल बनेबाक प्रयास : राजद
पटना। समदिया
राजद एहि बात पर जोर दैत अछि जे सरकार केर जांचक बहाने विभाजनकारी माहौल बनेबाक प्रयास नहि करबाक चाही। एकर विपरीत भाजपाक कहब अछि कि निरीक्षणक आदेश मदरसा केर विशिष्ट आवश्यकता केर पता लगाबय लेली आ पढ़ायल जा रहल पाठ्यक्रमक प्रकृतिकेँ निर्धारण लेल जारी कयल गेल छल।
बिहारमे सम्राट चौधरीक नेतृत्वमे सरकार मदरसाक संबंधमे कड़ा रुख अपनाबैत देखा रहल अछि। राज्यभरिमे मदरसाक निरीक्षण करबाक आदेश जारी भ गेल अछि। खास कय राज्य सरकारसँ अनुदान प्राप्त करय वला मदरसाक निरीक्षण तय अछि। एम्हर शिक्षा विभाग द्वारा जारी आदेशसँ राजनीतिक विवाद सेहो उत्पन्न भ गेल अछि।
मंगलदिन (2 जून 2026) कयए राजदक प्रवक्ता एजाज अहमदक कहब अछि जे सरकार कय मदरसाक निरीक्षणक आड़मे विभाजनकारी माहौल बनेबाक प्रयाससँ परहेज करबाक चाही। ओ जोर देलनि जे ई सुनिश्चित करबाक चाही जे एहि निरीक्षणक नाम पर बुनियादी शिक्षामे कोनो बाधा वा समझौता नहि होय।
भाजपा एहि समस्त मामिलाक संबंधमे अपन बयान जारी कयलक अछि। मदरसाक निरीक्षण पर जबाब दैत भाजपाक प्रवक्ता कुंतल कृष्ण कहलनि जे प्रशासन मदरसाक वर्तमान स्थिति कए बुझबाक इच्छा रखैत अछि, ओकर विशिष्ट आवश्यकता कए चिन्हित करबाक इच्छा रखैत अछि आ देल जा रहल पाठ्यक्रमक प्रकृति कए निर्धारित करय चाहैत अछि। ताहि लेल निरीक्षणक आदेश जारी कयल गेल। एनडीए सरकार समाजक सभ वर्गक बच्चा कय उज्जवल भविष्यक गारंटी दैत अछि।
बिहार राज्य अल्पसंख्यक आयोगक अध्यक्ष मौलाना गुलाम रसूल बल्यावी सेहो निरीक्षण आदेशक संबंधमे एकटा बयान जारी केलथि। ओ कहलनि कि दू प्रमुख बातकेँ समझबाक जरूरत अछि। ई खाली मदरसा नहि अछि जे सरकारी अनुदान पर संचालित होयत अछि। संस्कृत विद्यालय सेहो-शिक्षा बोर्डक अंतर्गत संचालित-एहन अनुदान भेटैत अछि। एकर अलावा कतेको अन्य स्कूल आ कॉलेज सोहो सरकारी अनुदानक सहयोगसँ काज करैत अछि।
ओ आगू कहलनि कि सरकार आम तौर पर अनुदान मंजूर करयसँ पहिने निरीक्षण करैत अछि, चाहे ओ मदरसा होय वा संस्कृत कॉलेज वा कोनो अन्य शैक्षणिक संस्थान। मुदा अनुदानक बहाने जँ केवल मदरसाक निरीक्षण कयल जायत तँ लोकमे परेशानी आ आक्रोश उत्पन्न होयब तय अछि। ओ कहलनि जे, हम आग्रह करैत छी जे सरकारी अनुदान प्राप्त करय वला केर सेहो जांच कयल जाय। शिक्षाक अधिकार अधिनियमक तहत अनुदानक संबंधमे कतेको फाइल फिलहाल सरकार लग लंबित अछि, ओ क्लियर करू।
