राजद एमएलसी सुनील सिंहक जा सकैत अछि सदस्यता, मामिला जुड़ल अछि सीएम नीतीशसँ

पटना
*

एमएलसी सुनील सिंहक एकटा मामिला आचार समितिमे पहुँचल छल। एकर जांचमे हुनका दोषी पाओल गेल अछि। संगहि आब कारवाईक बात सामने आबि रहल अछि।
राजद एमएलसी सुनील सिंह अपन सदस्यता गंवा सकैत छथि। जनवरीमे मुख्यमंत्री नीतीश कुमारक सदनमे नकल करबाक बाद ई मामला आचार समिति लग पहुँचल छल। एहि मामिलाक जाँचक बाद सुनील सिंह दोषी पाओल गेल छथि। ई रिपोर्ट काल्हि (२५ जुलाई) परिषदमे प्रस्तुत कयल गेल। विधान परिषदक आचार समिति राष्ट्रीय जनता दलक बिहार विधान परिषदक सदस्य सुनील कुमार सिंहकेँ अयोग्य ठहरयबाक सिफारिश कयलक अछि।

पछिला विधायी सत्रमे सुनील कुमार सिंह सदनक भीतर सीएम नीतीशक नकल कयने छलाह। सुनील सिंहक संग राजदक एमएलसी कारी सोहैब सेहो छलाह। दुनूक एहि आचरणकेँ अनुचित मानल गेल आ विधान परिषदक आचार समितिकेँ पठाओल गेल। बादमे कारी सोहैब अपन गलती स्वीकार कऽ लेलनि जखन कि सुनील सिंह अपन गलती स्वीकार करबासँ मना कऽ देलनि।

एकर बाद हुनक विरुद्ध आचार समिति अपन जाँच प्रक्रियाक रिपोर्ट तैयार कयलक आ बिहार विधान परिषदक समिति एहि मामलामे एमएलसी सुनील सिंह के दोषी पओलक अछि।