हालहिमे पप्पू यादव राजद अध्यक्ष लालू प्रसाद आ तेजस्वी यादवसँ भेंट कयलनि आ तदुपरांत अपन जन अधिकार पार्टीकेँ कांग्रेसमे विलय करबाक लेल दिल्ली गेलाह। एकर बाद मानल गेल जे पप्पू यादव पूर्णियासँ कांग्रेसक टिकट पर चुनाव लड़ताह।
भले बिहारमे महागठबंधनक सीट बंटवारा लेल दिल्लीमे बैसार चलि रहल होय, मुदा राज्यमे घमासान मचल अछि। पूर्णिया सीट लेल राजद आ कांग्रेस पार्टी आमने-सामने देखल जा रहल अछि। राजदक राष्ट्रीय अध्यक्ष लालू प्रसाद यादव आ तेजस्वी यादव तीन दिनक लेल दिल्लीमे छथि। एम्हर बुधदिन बिहारक पूर्व मंत्री बीमा भारती दावा कयलनि जे पूर्णिया सीटसँ टिकट दैत राजद हुनका चुनाव चिन्ह देलक।
हालेमे जेडीयू छोड़ि राजदमे शामिल भेल बीमा भारतीकेँ एहि दावाक बाद पूर्णिया सीट पर महागठबंधनमे दरार खुलि कऽ सामने आबि गेल। पूर्व मंत्रीक दावापर प्रतिक्रिया दैत पूर्व सांसद आ कांग्रेसक नेता पप्पू यादव कहलनि “दुनिया छोड़ि देब, मुदा पूर्णियां नहिं छोड़ब।”
पप्पू यादव कहलनि जे ओ पूर्णियांक युवा, महिला आ बुजुर्गसँ आशीर्वाद लेलनि अछि। सभसँ पूर्णियां केर नंबर एक बनाबय केर वादा कय चुकल छी। एहनमे पूर्णिया छोड़बाक कोनो सवाले नहिं उठैत अछि। ओ कहलनि जे ओ पूर्णियांक बेटा छथि आ मृत्यु धरि एतय रहताह। नामांकन दाखिल करबाक सवाल पर ओ कहलनि जे ओ पूर्णियां नहिं छोड़ताह।
पप्पू यादव हालहिमे राजद प्रमुख लालू प्रसाद आ तेजस्वी यादवसँ भेंट कयलनि आ फेर अपन जन अधिकार पार्टीकेँ कांग्रेसमे विलय करबाक लेल दिल्ली गेलाह। एकर बाद मानल गेल जे पप्पू यादव पूर्णियासँ कांग्रेसक टिकट पर चुनाव लड़ताह। वर्तमानमे पूर्णिया सीट लेल बीमा भारती आ पप्पू यादवक माध्यमसँ राजद आ कांग्रेस आमने-सामने देखल जा रहल अछि। ई देखब बाकी अछि जे दुनू पक्षक ‘थिंकटैंक’ एहि समस्याक समाधान करबामे सक्षम होयत वा एतय मैत्रीपूर्ण संघर्ष होयत।
