मिथिला क्षेत्रीय बिहारमे पैघ रेल दुर्घटनासँ बचल, कपलिंग निकलल मालगाड़ी दू टुकड़ामे बँटि गेल

पश्चिम चम्पारण समदिया
*

मिथिला क्षेत्रीय बिहारक पश्चिम चम्पारणमे मंगलदिन एकटा पैघ रेल दुर्घटना टलि गेल। मुजफ्फरपुर-गोरखपुर रेल खंड पर कपलिंग पिन हटलाक कारण एकटा मालगाड़ी दू टुकड़ामे बँटि गेल। मुदा, चालक अपन बुद्धिमत्तासँ मालगाड़ीकेँ समय पर पटरीसँ उतरबासँ बचा लेलक। जकर कारण इ दुर्घटना टलि गेल । कहल जा रहल अछि जे लगभग सवा एक बजे मालगाड़ी नरकटियागंजसँ बगाहा जा रहल छल। एम्हर पिपरा ढाला गेट नंबर ४५ सी लग कपलिंग पिन टूटलाक कारण मालगाड़ी अचानक दू भागमे बँटि गेल। अतः ट्रेनकेँ दू भागमे बँटल देखि भगदड़ मचि गेल। मुदा, ट्रेनक गति बेसी नहिं छल, तेँ जान-मालक कोनो क्षति नहिं भेल। एहि घटनाक बाद लगभग आधा घंटा धरि रेल यातायात प्रभावित रहल। संगहि रेलकर्मी कपलिंग पिनकेँ जोड़ि ट्रेन चलयबाक प्रयास कऽ रहल छलथि। आरपीएफ बगहाक प्रभारी इंद्रजीत सिंह कहलनि जे एहि घटनाक जानकारी नरकटियागंज रेलवे नियंत्रणकेँ देल गेल अछि। रेलकर्मी घटनास्थल पर पहुँचि गेल छलथि आ मालगाड़ीक मरम्मतमे लागल छलथि।