राहुल गाँधी प्रतिपक्षक नेता बनलाक बाद पहिल बेर गुजरात पहुँचल छथि। अईठाम ओ अपन कार्यकर्ताकेँ संबोधित कयलनि। एहि दौरान राहुल भाजपा आ पीएम मोदी पर हमला कयलनि। राहुल कहलनि जे हमरा डरएकेँ जरूरत नहिं अछि। हमरा सबकेँ मिलिकेँ गुजरातमे भाजपा केर हराबय केर अछि। लोकसभामे राष्ट्रपतिक अभिभाषण पर चर्चाक क्रममे राहुल कहने छलाह जे एहि बेर ओ गुजरातमे भाजपाकेँ पराजित करताह। भाजपा पिछला ३० सालसँ गुजरात पर कब्जा कयने अछि।
कांग्रेस सांसद आ लोकसभामे प्रतिपक्षक नेता राहुल गाँधी गुजरातक दौरापर छथि। अहमदाबादमे कांग्रेस कार्यकर्तासभकेँ सम्बोधित करैत राहुल गाँधी पीएम मोदी आ भाजपापर हमला कयलनि। ओ कहलनि जे जहिना भाजपा अयोध्यामे हारि गेल, तहिना गुजरातमे हारय जा रहल अछि। प्रधानमंत्रीपर हमला करैत राहुल कहलनि जे यदि पीएम मोदी वाराणसीमे मुश्किलसँ जीतलाह तऽ ओ अयोध्या हारिए जयतथि। काशीमे ओ अपन जान बचा कऽ निकललाह। ओतए ओ मात्र १ लाख वोटसँ जीतलाह। गुजरातमे कांग्रेस पार्टी जीतत आ एतहिसँ नव पार्टी बनत।
राहुल गुजरातक जनतासँ कहलखिन जे अहां के बहुत कष्ट भेल अछि, बहुत लाठी खएने छी, हम अहांकेँ बताबय चाहैत छी जे एआईसीसी टीमक सब वरिष्ठ नेता, हम, हमर बहिन प्रियंका अहांक संग एतय ठाढ़ होयत। ओ सभ मिलि हिनक सरकार केर तोड़ि देत।
राहुल गांधी कहलनि जे हम अहांकेँ बताबए लेल आयल छी। ओ सभ हमर कार्यालय पर हमला कयलक अछि, हमरा डरबाक नहिं चाही। ओ सभ हमरा चुनौती देलखिन। चुनौती ई अछि जे हमरासभकेँ मिलिकऽ गुजरातमे भाजपाकेँ हराबय पड़त। आब कांग्रेस पार्टी गुजरातमे नरेन्द्र मोदी आ भाजपाकेँ पराजित करत।
राहुल कहलखिन जे गुजरातक जनताकेँ एकटा बात कहय पड़त – अहांकेँ डरय केर जरूरत नहिं अछि। हमर पार्टीमे लोक हमरा हमर कमरामे कहैत छथि, अहां ठीक नहिं केलहुं। हम नहिं डरैत छी, हमर कार्यकर्ता नहिं डरैत अछि। हम अंग्रेजसँ लड़लहुं, हम भयभीत नहिं छलहुं।
राहुल कहलनि जे संसदमे हम अयोध्याक सांसदसँ पुछलहुँ जे भाजपा चुनावसँ पहिने अपन पूरा राजनीति राम मंदिरक प्रतिष्ठा पर केंद्रित कयलक, मुदा अयोध्यामे इंडिया गठबंधन चुनाव जीतलक, ई की भेल ?
राहुल कहलनि कि भाजपाक पूरा आंदोलन राम मंदिर, अयोध्याक छल। आडवाणी जी शुरू कयलनि, रथयात्रा भेल, कहल जाइत अछि जे नरेन्द्र मोदी ओहि रथ यात्रामे आडवाणी जीक सहायता कयलनि। हम संसदमे सोचि रहल छलहुं जे ओ सभ राम मंदिरक प्राण-प्रतिष्ठा केलखिन आ ताहिमे अडानी-अंबानी जी देखल गेलाह मुदा गरीब व्यक्ति उपस्थित नहिं भेल।
राहुल कहलखिन कि अयोध्या हवाई अड्डाक लेल किसानक जमीन लेल गेल छल। मुदा किसान सभकेँ आइ धरि मुआवजा नहिं भेटल अछि।
राहुल कहलखिन कि राम मंदिरक प्राण-प्रतिष्ठामे अयोध्यासँ कियो नहिं छल। राम मन्दिरक उद्घाटन समारोहमे कोनो गरीब लोक नहिं देखल गेल।
राहुल कहलखिन जे भाजपा अयोध्या पर राजनीति कयलक। जिनकर घर आ दोकान तोड़ि देल गेल छल, हुनका आइ धरि मुआवजा नहिं भेटल अछि।
कांग्रेस कार्यकर्ता सभकेँ सम्बोधित कयलाक बाद राहुल गांधी राजकोट गेमिंग जोन, मोरबी पुल दुर्घटना, सूरत आगजनी आ वडोदरा हरनी नाव त्रासदीक पीड़ित परिवारसँ सेहो भेंट करताह। प्रतिपक्षक नेता बनलाक बाद राहुल गाँधीक ई पहिल गुजरात यात्रा अछि।
लोकसभामे राष्ट्रपतिक अभिभाषण पर चर्चाक क्रममे राहुल कहने छलाह जे एहि बेर ओ गुजरातमे भाजपाकेँ पराजित करताह। ओ ई दावाक संग कहलखिन। राहुल कहलखिन कि २०२७ मे इंडिया गठबंधन भाजपाकेँ हरा देत। एहि बयानक किछु दिनक बाद राहुलक गुजरात यात्रा एहि बातक संकेत अछि जे ओ पहिनेसँ २०२७क तैयारी शुरू कऽ देने छथि।
