मिथिला क्षेत्रीय बिहारक मुजफ्फरपुरमे राष्ट्रीय जनता दल (राजद) केर कार्यक्रममे एकटा अजीब स्थिति उत्पन्न भऽ गेल, जखन कार्यक्रमक बीचमे एकटा महिला ‘नरेंद्र मोदी जिंदाबाद’क नारा लगाबय लगलीह। एकटा बच्चीक संग आयल महिला कार्यक्रमक बीचमे नरेंद्र मोदी जिंदाबादक नारा लगाबय लगलीह, जेकर बाद राजद कार्यकर्ता नाराज भऽ गेलाह आ महिला पर बाजय लगलाह। एहि घटनाक वीडियो सोशल मीडिया पर वायरल भऽ गेल अछि।
बुध कऽ मुजफ्फरपुरक गोबरसाही चौक स्थित एकटा होटलक सभागारमे राजदक कार्यकर्ता संवाद सम्मेलन छल, जाहिमे मुख्य अतिथिक रूपमे कृषि मंत्री कुमार सर्बजीत, मुख्य प्रवक्ता भाई वीरेन्द्र आ पूर्व मंत्री बृषन पटेल सहित जिलाक कतेको पैघ नेता उपस्थित छलाह। कार्यक्रममे भारी भीड़ छल आ ओहि भीड़मे राष्ट्रीय जनता दलक नारा लगाओल जा रहल छल। राष्ट्रीय जनता दलक नाराक बीच ओतय एकटा अलग नारा गूंजि उठल – ‘प्रधानमंत्री नरेन्द्र मोदी की जय।’ ई सुनला पर ओतय उपस्थित राजद कार्यकर्ता उक्त महिलाक संग दुर्व्यवहार केलखिन मुदा तइयो ओ नारा दैत रहलीह। महिलाक संग एकटा छोट बच्ची सेहो छल, तइयो राजद कार्यकर्ता ओकरा घेर लेलक आ दुर्व्यवहार करय लागल। एतबहि नहिं, महिलाक विरोधमे नरेन्द्र मोदी मुर्दाबादक नारा सेहो लगाबय लगलाह आ संगहि राजद कार्यकर्ता लोकनि एहि लालू जिन्दाबादक नारा सेहो देलनि। मुदा, पत्रकारक प्रयाससँ महिलाकेँ बचा लेल गेल आ ओ ओतयसँ सुरक्षित जा सकलीह। एहि दौरान अंत धरि महिला पीएम मोदीक समर्थनमे नारा लगाबैत अडिग रहलीह।
