प्रधानमंत्री मोदीक अभिनंदन कयल गेल भाजपा संसदीय दलक बैसारमे
नई दिल्ली
*
मध्य प्रदेश, छत्तीसगढ़ आ राजस्थानमे हालहिमे भेल विधानसभा चुनावमे पार्टीक जीतक लेल शनिदिन भाजपा संसदीय दलक बैसारमे प्रधानमंत्री नरेन्द्र मोदीकेँ स्वागत आ अभिनंदन कयल गेल।
बैसारमे पहुँचला पर केन्द्रीय मंत्री आ सांसद हुनका ठाढ़ भऽ थपुरी बजा आ नारा लगा कय अभिवादन कयलनि।
एकर बाद पार्टीक राष्ट्रीय अध्यक्ष जेपी नड्डा माला पहिरा कऽ स्वागत आ अभिनंदन कयलनि।
अगिला पंक्तिमे प्रधानमंत्री मोदी आ जेपी नड्डाक सङ्ग केन्द्रीय गृह मंत्री अमित शाह, नितिन गडकरी आ पीयूष गोयल सहित कतेको अन्य केन्द्रीय मंत्री सेहो उपस्थित छलाह।
मानल जाइत अछि जे संसदीय दलक बैसारमे प्रधानमंत्री नरेन्द्र मोदी संसदक चलि रहल शीतकालीन सत्रक रणनीतिक सम्बन्धमे भाजपा सांसदसभकेँ महत्वपूर्ण निर्देश दऽ सकैत छथि। चूँकि ई सत्र वर्तमान लोकसभाक अंतिम पूर्ण सत्र अछि, आजुक बैसारमे प्रधानमंत्री मोदी लोकसभा चुनावक तैयारीकेँ देखैत पार्टी सांसदसभकेँ कतेको महत्वपूर्ण निर्देश दऽ सकैत छथि।
विपक्षी गठबंधनक रणनीति केर देखैत सेहो प्रधानमंत्री सांसद सभकेँ पार्टीक रणनीति बताबैत एहू बातक टिप्स देताह कि सरकारक जनकल्याणकारी नीतिकेँ कोना आम जनता तक पहुंचायल जाय आ लाभार्थीक संग संपर्क स्थापित कयल जाय।
