प्रधानमंत्री कहलनि “आइ तमिलनाडुक थूथुकुडी प्रगतिक एकटा नव अध्याय लिखि रहल अछि। बहुत रास परियोजनाक उद्घाटन भऽ रहल अछि अथवा शिलान्यास भऽ रहल अछि। ई परियोजना विकसित भारतक रोडमैपक एकटा महत्वपूर्ण हिस्सा अछि। एहि परियोजनासभमे ‘एक भारत, श्रेष्ठ भारत’क भावना सेहो देखय लेल भेटत।
ओ कहलनि “हमरा तमिलनाडु आ देशक जनताकेँ एकटा सत्य कहब जरूरी अछि, सत्य कटु अछि। हम सीधा यूपीए सरकार पर दोष लगाबय चाहैत छी। ई परियोजना, जे हम आइ अनलहुं अछि, से दशक भरिसँ एहिठामक लोकक मांग छल। जे आइ एतय सत्तामे छथि ओ तखन दिल्लीमे बैसल छलाह, सरकार आ ई विभाग चला रहल छलाह, मुदा हुनका अहाँक विकासक चिन्ता नहिं छल।
प्रधानमंत्री नरेन्द्र मोदी कहलनि, “हम एक बेर ‘मन की बात’ कार्यक्रममे कहने छलहुँ जे देशक प्रमुख लाइटहाउसकेँ पर्यटन केन्द्रक रूपमे विकसित कयल जा सकैत अछि। आइ हम सौभाग्यशाली छी जे देशक विभिन्न राज्यमे स्थित ७५ लाइटहाउसमे विकसित पर्यटन सुविधाकेँ राष्ट्रकेँ समर्पित कऽ रहल छी। ई नव भारत अछि।”
मोदी आगू कहलनि”दशक धरि हमर देशमे जलमार्ग आ समुद्री क्षेत्रकेँ उपेक्षाक संग देखल गेल, मुदा ई उपेक्षित क्षेत्र आइ विकसित भारतक नींव बनि रहल अछि। तमिलनाडु आ दक्षिण भारतकेँ एकर सबसँ बेसी लाभ भेटि रहल अछि।”
