प्रधानमंत्री नरेन्द्र मोदी कहलनि अछि जे भगवान श्रीराम, माता सीता आ रामायणक शिक्षा समय, समाज, जाति, धर्म आ क्षेत्रक परवाह कयने बिना प्रत्येक व्यक्तिसँ जुड़ल अछि। प्रधानमंत्री नरेन्द्र मोदी बृहस्पति दिन अयोध्यामे राम मन्दिर प्राण प्रतिष्ठा समारोह अभियानक हिस्साक रूपमे श्रीराम जन्मभूमि मन्दिरकेँ समर्पित छओ विशेष स्मारक डाक टिकटक विमोचन कयलनि।
ओ कहलनि जे विश्वक विभिन्न देश आ विभिन्न संस्कृतिमे रामायणक प्रति उत्साह देखल गेल अछि आ भगवान श्रीराम, माता सीता आ रामायणकेँ पूरा विश्वमे बहुत गर्वक दृष्टिसँ देखल जाइत अछि। इएह कारण अछि जे रामायण पुरा विश्वमे आकर्षणक केन्द्र रहल अछि।
प्रधानमंत्री कहलनि जे श्रीराम जन्मभूमि मन्दिरकेँ समर्पित छओ विशेष स्मारक डाक टिकट आइ जारी कयल गेल अछि।
दुनियाक विभिन्न देशमे पहिने भगवान श्रीरामसँ सम्बन्धित डाक टिकट जारी भऽ चुकल अछि, आइ हुनक एकटा एल्बम सेहो जारी भेल अछि।
एहि अवसर पर भारत-विदेश सँ सब राम भक्त आ समस्त देशवासी केँ बधाई दैत प्रधानमंत्री मोदी कहलनि जे जखन अहाँ डाक टिकट जारी करैत छी आ जखन कियो ककरो पठबैत अछि तखन ओ मात्र पत्र वा सामान नहि पठबैत अछि, बल्कि सहज रूपसँ इतिहासक किछु हिस्सा केकरो आन के बता दैत अछि। डाक टिकट सेहो विचार, इतिहास आ ऐतिहासिक अवसरकेँ अगिला पीढ़ीकेँ पहुँचयबाक एकटा माध्यम अछि। ई डाक टिकट मात्र कागजक टुकड़ा नहिं अछि, ई मात्र कलाकृति नहिं अछि, बल्कि ई इतिहासक पुस्तक, कला रूप आ ऐतिहासिक स्थलक सबसँ लघु रूप अछि, एतय धरि कि महान ग्रन्थ आ विचारक लघु रूप सेहो अछि।
ओ कहलनि जे भगवान रामक माध्यमसँ पाँच तत्वक दर्शन सेहो लघु रूपमे देखाओल गेल अछि। अमेरिका, ऑस्ट्रेलिया, कंबोडिया, कनाडा, इंडोनेशिया, श्रीलंका, न्यूजीलैंड आ सिंगापुर सहित दुनियाक विभिन्न देशमे भगवान श्रीरामसँ सम्बन्धित डाक टिकटक एल्बम (पुस्तक) जारी करय केर जानकारी दैत प्रधानमंत्री नरेन्द्र मोदी कहलनि जे आजुक पीढ़ीक युवा लोकनिक लेल ई देखब बहुत रोचक होयत जे कोना दुनियाक विभिन्न देश श्रीराम पर आधारित डाक टिकट आ रामायणसँ जुड़ल प्रसंग बहुत सम्मान आ आत्मीयताक संग जारी करैत आबि रहल अछि।
ओ कहलनि जे एहिसँ इहो पता चलैत अछि जे भगवान श्रीराम भारतक बाहर कोना समान रूपसँ महान आदर्श छथि आ विश्वक सभ सभ्यता पर रामक प्रभाव कतेक गहींर रहल अछि। आधुनिक समयमे सेहो बहुत रास राष्ट्र भगवान रामक चरित्रक सराहना कयलक अछि। एल्बममे भगवान श्रीराम आ माता जानकीक लीला कथाक संक्षिप्त भ्रमणक सङ्ग ई सभ जानकारी सेहो देल जायत।
एक तरहें महर्षि वाल्मीकिक कथन जाहिमे ओ कहलनि जे जाबत पृथ्वी पर पहाड़ आ नदी अछि, रामायणक कथा, श्रीरामक व्यक्तित्व जनसमूहमे प्रचारित होइत रहत।
प्रधानमंत्री नरेन्द्र मोदी बृहस्पतिकेँ श्रीराम जन्मभूमि मन्दिरकेँ समर्पित छओ विशेष स्मारक डाक टिकटक विमोचन कयलनि। एकर संगहि ओ भगवान श्रीरामसँ सम्बन्धित डाक टिकटक एकटा एल्बम (४८ पृष्ठक स्टाम्प बुक) सेहो जारी कयने छथि जे पहिने अमेरिका, न्यूजीलैंड, सिंगापुर, कनाडा, कंबोडिया सन देश आ संयुक्त राष्ट्र सन वैश्विक संगठन सहित २० सँ बेसी देशमे जारी कयल जा चुकल अछि। डाक टिकटक डिजाइनमे राम मन्दिर, चौपाई ‘मंगल भवन अमंगल हरि’, सूर्य, सरयू नदी, आ मन्दिर एवं ओकर लगपासक मूर्ति सम्मिलित अछि। एहि विशेष ६ स्मारक डाक टिकटमे राम मन्दिर, भगवान गणेश, भगवान हनुमान, जटायु, केवटराज आ माँ शबरी सम्मिलित छथि।
