संसदक सुरक्षामे चूकक कारण बेरोजगारी आ महंगाई – राहुल गांधी
नई दिल्ली
*
संसदक सुरक्षामे सेंधमारी पर कांग्रेस सांसद राहुल गांधी कहलनि जे संसदक सुरक्षामे चूकक सबसँ पैघ कारण बेरोजगारी आ मंहगाई अछि। पीएम मोदीक नीतिक कारण युवाकेँ रोजगार नहिं भेटि रहल अछि। एहि घटनाक पाछूक कारण बेरोजगारी आ मंहगाई अछि।
ई घटना २००१ केर संसद आतंकी हमलाक २२म वर्षगाँठपर एकटा पैघ सुरक्षा चूकक कारण भेल छल। संसद परिसरमे प्रवेश कयनिहार छओ लोकमे सँ दू गोटे बालकनीमे आगंतुक दीर्घासँ लोकसभा कक्षमे कूदि गेल आ जूतामे नुकायल कनस्तरकेँ दबा देलक आ पीयर धुआँ छोड़ि देलक, जे सदनमे पसरि गेल। जखनि दूटा सांसद ओकरा सभपर काबू पाबि पुलिसकेँ सौंपि देलनि तखनि ओ लोकनि नाराबाजी सेहो कयलनि।
