पीएम मोदीक एही ई यात्रासँ भारत-यूएई संबंध मजबूत होयत : विदेश मंत्रालय

नई दिल्ली। समदिया

प्रधानमंत्री मोदी काल्हि यूएई पहुंचलाह। शुक्रदिन अबू धाबीमे यूएई केर राष्ट्रपति शेख मोहम्मद बिन जायद अल नहयानसँ भेंट कयलनि। एही बैसारमे दूनू देशक बीच संबंध केर आओर मजबूत करय पर ध्यान देल गेल, जाहिमे विशेष रूपसँ ऊर्जा, व्यापार आ निवेश, ब्लू इकोनॉमी, टेक्नोलॉजी आओर फिनटेक, रक्षा आ लोकक बीच आपसी जुड़ाव जँका मुद्दा पर चर्चा कयल गेल। दुनू नेता पश्चिम एशियाक स्थिति आ अन्य वैश्विक मुद्दा पर सेहो विचार आदान-प्रदान केलनि। विदेश मंत्रालय केर प्रवक्ता रणधीर जायसवाल सोशल मीडिया प्लेटफॉर्म एक्स पर पोस्ट करैत कहलनि कि “प्रधानमंत्री नरेंद्र मोदी आ शेख मोहम्मद बिन जायद अल नहयान आय अबू धाबीमे बहुत सकारात्मक आ व्यापक बातचीत कयलनि। दूनू नेता भारत-यूएई केर साझेदारी केँ आओर मजबूत करय केर तरीका पर चर्चा कयलनि। चर्चामे ऊर्जा, व्यापार आ निवेश, ब्लू इकोनॉमी, टेक्नोलॉजी आओर फिनटेक, रक्षा आ लोकक बीच आपसी जुड़ाव जँका मुद्दा पर चर्चा कयल गेल।

ओ कहलनि, “दुनू नेता पश्चिम एशिया आ अन्य वैश्विक मुद्दा पर चर्चा कयलनि। प्रधानमंत्री मोदी हालमे यूएई पर भेल हमला आ ओकर संप्रभुता आ क्षेत्रीय अखंडताकेँ कमजोर करबाक कोशिशक कड़ा निंदा कयलनि। दुनू  नेता शांति, स्थिरता आ समृद्धिक प्रति अपन साझा प्रतिबद्धता केर दोहरैलनि।”

बैसारक दौरान ऊर्जा, रक्षा, बुनियादी ढांचा, जहाजरानी ​​आ उन्नत तकनीक जँका क्षेत्रमे दूनू नेताक मौजूदगीमे कतेको समझौताक आदान-प्रदान भेल। विदेश मंत्रालयक अनुसार एहिसँ भारत-यूएई व्यापक रणनीतिक साझेदारीमे तेजी आओत।

रणधीर जायसवाल पोस्टमे खबरि देलनि कि यूएई भारतमे 5 अरब डॉलरक निवेशक घोषणा कयलक। एहिसँ भारतक बाजार आ बुनियादी ढांचा मजबूत होएत। एहि यात्रासँ भारतक ऊर्जा सुरक्षाकेँ सेहो काफी फायदा होएत।

यूएई केर राष्ट्रपतिसँ मुलाकातक दौरान प्रधानमंत्री मोदी पश्चिम एशियामे संघर्षक दौरान भारतीय समुदायक देखभाल करय लेली यूएई सरकार आ शाही परिवारकेँ धन्यवाद देलनि।

प्रधानमंत्री मोदी कहलनि, “हम यूएईमे हमलाक कड़ा निंदा करैत छि। यूएई केर निशाना बनेनाइ कोनो रूपमे अस्वीकार्य अछि। कठिन परिस्थितिमे अपने जे संयम आ साहसक प्रदर्शन कयलौंह से सराहनीय अछि। राष्ट्रीय एकता, सुरक्षा आ क्षेत्रीय अखंडता केर कायम रखय लेल अपनेक नेतृत्वमे उठाओल गेल कदम लेल हम आँहाँकेँ बधाई दैत छि।”