पीएम मोदी कतेको शीर्ष कंपनी केर सीईओसँ कयलनि भेंट, भारतमे बढ़ैत मैन्युफैक्चरिंग आ इनोवेशन इकोसिस्टमक कयलनि जिक्र
नई दिल्ली। समदिया
प्रधानमंत्री नरेंद्र मोदी काल्हि बृहस्पतिकेँ कतेको शीर्ष कंपनी केर सीईओ आ वरिष्ठ अधिकारीसँ भेंट कय देश केर तेजीसँ बढ़ैत मैन्युफैक्चरिंग आ इनोवेशन इकोसिस्टमक बारेमें जनतब देलनि। विदेश मंत्रालय केर प्रवक्ता रणधीर जायसवाल सोशल मीडिया प्लेटफॉर्म पर लिखलनि, “प्रधानमंत्री मोदी मिस्ट्रल एआई केर सह-संस्थापक आ सीईओ आर्थर मेन्श सँ भेंट कयलनि। प्रधानमंत्री भारत केर बढ़ैत एआई इकोसिस्टममे भेटय वला अवसरक बारेमे बतैलनि। मेन्श मिस्ट्रल एआई केर भारतक संग सहयोग करय आ भारतीय कंपनीक संग नवाचारकेँ बढ़ावा दै आ एआई क्षमता विस्तार करय लेल साझेदारी करबाक गहन रुचि व्यक्त कयलनि।” प्रधानमंत्री मोदी अल्स्टॉम केर सीईओ मार्टिन त्सिएनसँ सेहो भेंट कयलनि आ ई चर्चा गतिशीलता आ रेलवे आधुनिकीकरण केर अवसर पर केंद्रित छल।
जायसवाल केर अनुसार, “प्रधानमंत्री मोदी भारतमे अल्स्टॉम केर महत्वपूर्ण निवेश आ मैन्युफैक्चरिंग उपस्थितिकेँ जिक्र कयलनि, जे रोजगार सृजन आ भारत केर रेल क्षेत्रमे वृद्धि योगदान द रहल अछि। सियान हुनका भारतमे आ विस्तार आ निवेश लेल अल्स्टॉमकेँ योजनाक बारेमे जानकारी देलनि।”
प्रधानमंत्री सेंट-गोबैन केर अध्यक्ष आ सीईओ बेनोइट बाजिनसँ भेंट कयलनि आ चर्चा सामग्री आ निर्माण क्षेत्रमे अवसर पर केंद्रित छल, जाहिमे स्थायित्व पर ध्यान देल गेल छल।
विदेश मंत्रालय केर प्रवक्ता कहलनि, “पीएम मोदी भारतमे सेंट-गोबैन केर मजबूत उपस्थिति आ निवेशकक जिक्र कयलनि, जाहिसँ भारतीय युवा लेल अवसर पैदा भ रहल अछि। अध्यक्ष आ सीईओ बाजिन भारतमे आगू केर निवेश आ विस्तार लेल सेंट-गोबैन केर योजनाक बारेमे बतैलनि।”
