नागपुरमे रविक भोरे एकटा विस्फोटक निर्माण कारखानामे भेल विस्फोट
कमसँ कम नौ गोटेक मृत्यु आ कतेको लोक घायल
*
नागपुर
*
आधिकारिक लोकक जानकारीक अनुसार नागपुरक एहि विस्फोट निर्माण फैक्ट्रीमे रवि कऽ भेल भीषण विस्फोटमे नौ गोटे केर मृत्यु आ किछु गोटे घायल भऽ गेल छथि।
स्थानीय लोकक कहब छनि जे औद्योगिक विस्फोटक बनयवला कंपनी सोलर इंडस्ट्रीज इंडिया लिमिटेडक बाजारगाँव संयंत्रमे भोरे लगभग ९ बजे ई विस्फोट भेल।
अधिकारीलोकनि कहलनि जे विस्फोटक कारण ज्ञात नहिं अछि आ ई स्पष्ट नहिं अछि जे ओहि समय कारखानामे कतेक मजदूर उपस्थित छलाह।
पुलिस क्षेत्रकेँ घेरि लेलक अछि आ बचाव आ राहत कार्य चलि रहल अछि, जखन कि पैघ संख्यामे मजदूर आ पीड़ितक परिजन कारखानाक बाहर विरोध प्रदर्शन कयलनि।
