सीएमक अनुमतिक बिना किछु नहि होइत अछि, अखनि दिखावटी कार्यवाही भ रहल – तेजस्वी यादव
पटना। समदिया
भोजपुरमे भारत तिवारीक हाई प्रोफाइल कथित फर्जी मुठभेड़ मामिलाकेँ ल कय राजदक राष्ट्रीय कार्यरत अध्यक्ष तेजस्वी यादव बिहार सरकार पर कड़ा हमला केलथि अछि। एही मामिलामे आरोपी जगदीशपुर केर तत्कालीन एसडीपीओ राजेश कुमार शर्माकेँ नव जिम्मेदारी दै केर फैसला पर सवाल उठाबैत ओ आरोप लगैलनि कि सरकार महज दिखावटी कार्यवाही कय रहल अछि। बृहस्पतिकेँ पत्रकारसँ बात करैत तेजस्वी यादव कहलनि कि आरोपी अधिकारीक नव भूमिका सौंपलासँ कतेको सवाल उठैत अछि। ओ आरोप लगौलनि जे राज्य सरकार निष्पक्ष कार्यवाही करबाक बदला मात्र दिखावा करैत अछि। यादव कहलनि जे, मुख्यमंत्रीक अनुमतिक बिना काज करबाक दुस्साहस ककरो नहि अछि, ओ गृहमंत्री सेहो छथि, मुठभेड़ होमयसँ पहिने हुनका मैसेज भेजल गेल आ तहन गोली मारल अगल, आब सिर्फ फर्जी कार्यवाही भ रहल अछि। ओ आरोप लगौलनि जे बिहारमे अपराधी आ दोषी अधिकारीकेँ ढाल देल जा रहल अछि, जाहिसँ पीड़ितकेँ न्याय नहि भेट रहल अछि। ओ आओर कहलनि, “एतय अपराधीकेँ सुरक्षा भटैत अछि। उचित सुनवाई आ कार्यवाही नहि भ रहल अछि, इ वास्तविकता अछि। सत्तामे बैसल लोककेँ एही पूरा मामिलाक पाछूक सच्चाई पता अछि।”
राजद नेता दोहरबैत कहलनि जे, बिना उच्चतम स्तरक सहमतिक एहि पूरा प्रकरणमे कोनो कार्यवाही संभव नहि भ सकैत छल। ओ सरकारसँ मांग केलथि जे एखन धरि आरोपी अधिकारीक खिलाफ कोन कार्यवाही कयल गेल अछि आ कोन आधार पर हुनका सभकेँ नव जिम्मेदारी देल गेल अछि। जनतब अछि जे भरत तिवारीक कथित फर्जी मुठभेड़ मामिलाकेँ ल कय विपक्ष लगातार बिहार सरकारकेँ निशाना बना रहल अछि।
एहि मामिलामे दर्ज प्राथमिकीमे कतेको पुलिसकर्मीक नाम आरोपीक रूपमे राखल गेल अछि। एम्हर जगदीशपुरक तत्कालीन एसडीपीओ राजेश कुमार शर्माकेँ नव भूमिका सौंपलाक बाद राजनीतिक विवाद तेज भ गेल अछि। विपक्ष एही फैसलाकेँ सरकारक मंशा पर संदेह पैदा करय वला फैसला मानैत अछि आ एही मुद्दा पर राजनीतिक बयानबाजी लगातार जारी अछि।
