नीतीश कुमार अचानक काल्हि पहुँचलाह जदयू कार्यालय, छलथि नाराज
पटना। समदिया
पूर्व मुख्यमंत्री नीतीश कुमार सोमदिन जनता दल संयुक्त राज्य कार्यालय पहुंचलाह। हुनक अचानक आगमनसँ पार्टी कार्यालयमे कनेक अफरा तफरी मचि गेल। ओ कार्यालयक निरीक्षण कय संस्थाक कामकाजक विषयमे पूछताछ कयलनि। कार्यालयमे उपस्थित प्रदेश अध्यक्ष उमेश कुशवाहासँ बातचीतक दौरान नीतीश कुमार काजमे देरी पर नाराजगी व्यक्त कयलनि। ओ बजलाह, “हमर निर्देश देलाक बादो काज नहि भ रहल अछि, एकर की मतलब?” पूर्व मुख्यमंत्रीक एहि टिप्पणीसँ कार्यालयक अधिकारी आ कार्यकर्ता क्षण भरि लेल बेचैन भ गेलाह।
खबरि अछि जे जनसुनवाई केर दौरान अचानक नीतीश कुमार जदयूक राज्य कार्यालय पहुंचलाह। ओ कार्यालयक व्यवस्थाक निरीक्षण कयलनि आ संगठनात्मक गतिविधिक समीक्षा कयलनि। नीतीश कुमार अधिकारीकेँ संगठनात्मक काजमे तेजी आनय आ लंबित मामिलाक समय पर निपटारा सुनिश्चित करबाक निर्देश देलथि। हुनक ई यात्रा राजनीतिक आ संगठनात्मक दुनू दृष्टिकोणसँ महत्वपूर्ण मानल जायत अछि।
