जहियासँ प्रधानमंत्री नरेन्द्र मोदी लक्षद्वीपक दौरा कयलनि, ई स्थान दुनिया भरिमे ट्रेंड कऽ रहल अछि। पूरा दुनियामे एकरा बारेमे चर्चा अछि। मालदीव बनाम लक्षद्वीप पर सोशल मीडिया पर युद्ध शुरू भऽ गेल अछि। बॉलीवुड प्रधानमंत्रीक समर्थनमे खुलि कऽ सामने आयल अछि। प्रधानमंत्री नरेन्द्र मोदी जकाँ बॉलीवुडक सितारा सेहो भारतक एहि शहरक नाम लऽ रहल छथि आ पर्यटनकेँ बढ़ावा देबाक बात कऽ रहल छथि। बॉलीवुडक सेलेब्स लोकसभसँ विदेश यात्रासँ बेसी भारतक स्थानक अन्वेषण करबाक आ भारतीय पर्यटनकेँ बढ़ावा देबाक अनुरोध कऽ रहल छथि।
हालहिमे प्रधानमंत्री नरेन्द्र मोदी लक्षद्वीप केर एक्सप्लोर कयलनि। तखनेसँ एकर खूब चर्चा भऽ रहल अछि। प्रधानमंत्री ओतय फोटो साझा करैत कहलनि “जे सभ एडवेंचर करय चाहैत छथि, लक्षद्वीप हुनक सूचीमे होयबाक चाही। हम स्नार्कलिंग केर प्रयास कयलहुँ। ई एकटा आनंददायक अनुभव छल।” बॉलीवुड या देश प्रधानमंत्रीक आग्रह केना अस्वीकार कऽ सकैत अछि ? जहिना दुनियामे मालदीव बनाम लक्षद्वीप युद्ध शुरू भेल, बॉलीवुडक कतेको सेलेब्स सेहो ट्वीट कऽ जनतासँ अपील कयलनि आ प्रधानमंत्री मोदीक समर्थन कयलनि। एहिमे अमिताभ बच्चन, अक्षय कुमार, सलमान खान, श्रद्धा कपूर आ जॉन अब्राहम सन कतेको हस्ती शामिल छथि।
अमिताभ बच्चन मालदीवक मंत्रीलोकनिक कार्यपर अप्रसन्नता व्यक्त कयलनि। ओ वीरेन्द्र सहवागक पोस्टकेँ रीट्वीट करैत लिखलनि, “वीरू पाजी… ई सही अवसर अछि। हमर अपन धरती सबसं बढ़िया अछि। हम लक्षद्वीप आ अण्डमान गेल छी आ ओ सभ बहुत सुन्दर स्थान अछि। पानिसँ भरल सुन्दर समुद्र तट आ पानिक भीतर अनुभव अद्भुत अछि। हम भारत छी, हम आत्मनिर्भर छी, हमर आत्मनिर्भरताकेँ कमजोर नहिं करू।” एहि पोस्ट पर लोक कतेको टिप्पणी कए रहल छथि। एकटा लिखने छथि, “आब बच्चन साहब सेहो मैदान पर आबि गेल छथि।” एकटा लिखने अछि, “आब लक्षद्वीपमे लाइन लागि जायत।”
वीरेन्द्र सहवाग लिखने छथि जे उडुपीक सुन्दर बीच, पोंडीक पैराडाइज बीच, अण्डमानक नील आ हैवलॉक, वा हमर देश भरिक सुन्दर बीच अछि, भारतमे कतेको एहन स्थान अछि जतय लोक नहिं गेल छथि आ जकरा इन्फ्रास्ट्रक्चर सपोर्टक बहुत आवश्यकता अछि। भारत आपदाकेँ अवसरमे बदलबाक लेल जानल जाइत अछि। मालदीवक लोकक हमर देश आ हमर प्रधानमंत्री पर कटाक्ष एकटा पैघ अवसर अछि। कृप्या अहाँसभ एहन आर सुन्दर स्थानक नाम बताउ जकर अन्वेषण नहिं भेल अछि।”
जॉन ट्वीट कयलनि, “अद्भुत भारतीय आतिथ्य, “अतिथि देवो भव”क विचार आ विशाल समुद्री जीवनक अन्वेषणक सङ्ग, लक्षद्वीप वास्तवमे घुमबाक स्थान अछि।”
सलमान खान एहि अभियानक समर्थन करैत लिखलनि – “लक्षद्वीपक सुन्दर, स्वच्छ आ आश्चर्यजनक समुद्र तट पर हमर माननीय प्रधानमंत्री नरेन्द्रभाई मोदीकेँ देखि कऽ बहुत नीक लागल। सबसँ नीक बात ई अछि जे ई द्वीप हमर भारतमे अछि।”
अक्षय कुमार कहलनि जे मालदीवक कतेको प्रसिद्ध सार्वजनिक व्यक्तित्वक टिप्पणी आयल अछि, जे भारतीयसभ पर अत्यंत घृणित आ नस्लवादी टिप्पणी कऽ रहल छथि। हम बहुत आश्चर्यचकित छी जे ओ ई कोना कए सकैत छथि। ओ सेहो ओहि देशक संग जे एतयसँ सबसँ बेसी पर्यटक पठबैत अछि। हमसभ अपन पड़ोसीक लेल नीक छी, मुदा हम एहन अकारण घृणाकेँ किएक बर्दाश्त करब ? हम कतेको बेर मालदीवक दौरा कयने छी आ सदैव एकर प्रशंसा कयलहुँ अछि, मुदा गरिमा सबसँ पहिने अबैत अछि। आइए हम #भारतीय द्वीपक अन्वेषण करबाक आ अपन पर्यटनकेँ समर्थन देबाक निर्णय लेब।”
श्रद्धा कपूर लक्षद्वीपक छवि साझा करैत लिखलनि- “ई सभ फोटो आ मीम हमरा बहुत उत्साहित कऽ रहल अछि। लक्षद्वीपमे बहुत सुन्दर बीच आ कास्ट लाईन अछि, जे स्थानीय संस्कृतिकेँ प्रतिबिम्बित करैत अछि। हम छुट्टी लेबाक लेल तरसि रहल छी। तखन किएक नहि, एहि साल भारतीय द्वीपक अन्वेषण करी।”
कंगना रनौत लक्षद्वीप बनाम मालदीव पर सेहो अपन बात रखलनि आ ओतय नेता द्वारा कयल गेल भारत-विरोधी ट्वीट साझा करैत जवाब देलनि जे – “गंध ? स्थायी गंध ? की!! ई एके समुदायक होयबाक बादो पैघ स्तरपर मुस्लिम भयसँ पीड़ित छथि। लक्षद्वीपमे ९८ प्रतिशत मुसलमान जनसंख्या अछि। मालदीवक प्रमुख हस्ती हुनका बदबूदार कहब, नस्लवाद आओर अज्ञानता दर्शाबैत अछि। एतेक नीच आ अश्लील नस्लवादी होयबाक लेल अहां पर शर्म आबि रहल अछि।”
युजर्स सेहो स्टार सभक एहि पोस्टपर टिप्पणी आ समर्थन कऽ रहल छथि। विदेश जयबाक बदला प्रत्येक भारतीय पहिने भारतीय पर्यटन स्थलक अन्वेषण आ भारतीय पर्यटनकेँ बढ़ावा देबाक बात कऽ रहल अछि।
वास्तवमे, लक्षद्वीपक मुद्दा एहि समय देशमे एहि लेल छाओल जे पीएम मोदी हालहिमे ओतय गेल छलाह। प्रधानमन्त्रीक एहि यात्राक बादसँ लक्षद्वीपक तुलना सोशल मीडिया पर मालदीवसँ कयल जा रहल अछि। एकर बाद मालदीवक किछु मंत्री पीएम मोदीक विषयमे विवादास्पद टिप्पणी कयलनि। तहियासँ बॉलीवुडक बहुत रास अभिनेता आब लक्षद्वीप आ पीएम मोदीक समर्थनमे सोशल मीडिया पर देखल जा रहल छथि। सोशल मीडिया पर अभिनेता लक्षद्वीपक पर्यटनकेँ बढ़ावा देबाक बात कऽ रहल छथि।
