भारतीय विदेश मंत्रालय इजरायल आ ईरानक दौरा करय बला भारतक नागरिकसभसँ सतर्क रहबाक अपील कयलक अछि। मंत्रालय इजरायल-हमास युद्धक कारण सभ भारतीयकेँ चेतावनी जारी कयलक अछि। इहो कहल गेल अछि जे जँ आवश्यक नहिं अछि तँ यात्रा किछु दिन लेल स्थगित कऽ दियौक। इजरायल आ ईरानक बीच बेर-बेर मिसाइल हमलाक कारण स्थिति बिगड़ि रहल अछि।
भारतीय दूतावाससँ संपर्कमे रही।
ईरान आ इजरायलक यात्राक सलाह पर विदेश मंत्रालयक प्रवक्ता रणधीर जायसवाल कहलनि अछि जे हम दुनू क्षेत्रक स्थितिपर नजरि राखि रहल छी। ईरान आ इजरायल अपन हवाई क्षेत्र खोलि देलक अछि। एहन स्थितिमे किछु सुधारक उम्मीद अछि। हम भारतीय नागरिकसभकेँ दुनू देशक यात्राक क्रममे सतर्क रहबाक आ भारतीय दूतावासक सम्पर्कमे रहबाक परामर्श सेहो जारी कयलहुँ अछि।
एहिसँ पहिने १४ अप्रैलकेँ इजरायलमे भारतीय दूतावास इजरायलमे भारतीय नागरिकसभकेँ शान्त रहबाक आ स्थानीय प्रशासनक दिशानिर्देश आ सुरक्षा प्रोटोकॉलक पालन करबाक सलाह देने छल।
दूतावास आपातकालीन हेल्पलाइन नंबर जारी कयलक।
भारतीय दूतावास नागरिकक लेल हेल्पलाइन नंबर आ ईमेल आईडी सेहो जारी कयलक अछि। कोनो जरूरी सहायताक लेल कृपया दूतावाससँ चौबीसों घंटा आपातकालीन हेल्पलाइन/कॉन्टैक्टटेल पर सम्पर्क करू। हेल्पलाइन नंबर अछि +972-547520711, +972-543278392. एकर अतिरिक्त अहाँ जानकारी दऽ कऽ cons1.telaviv@mea.gov.in एहि ईमेल आईडी पर सेहो सम्पर्क कऽ सकैत छी। हालहिमे दू सप्ताह पहिने इजरायल १९ केँ तेहरान पर मिसाइल हमला कयने छल।
