बिहार पहुँचल मध्य प्रदेशक मुख्यमंत्री मोहन यादव कहलनि जे पीएम मोदीक कारण हमरा मुख्यमंत्री बनबाक मौका भेटल। मोदी चाह बेचिकेँ प्रधानमंत्री बनलाह। देशमे विकास अछि।
मध्य प्रदेशक मुख्यमंत्री मोहन यादव काल्हि १८ जनवरी केँ राजधानी पटना पहुँचल छलथि। कार्यक्रमक आयोजन श्री कृष्ण चेतना मंच द्वारा कयल गेल अछि। सभाकेँ सम्बोधित करैत ओ कहलनि जे भगवान कृष्ण सबसँ पहिने अपनाकेँ आगू रखलनि आ धर्म स्थापित करबाक लेल कदम उठौलनि। लोकतंत्रकेँ जीवित रखबामे हमर समाजक महत्वपूर्ण भूमिका अछि। यादव समुदायक लोक सेहो गाय पालन कऽ अपन रोजी-रोटी कमाबैत छथि। पीएम मोदीक कारण हमरा मुख्यमंत्री बनबाक मौका भेटल। मोदी चाह बेचिकेँ प्रधानमंत्री बनलाह। देशमे विकास भऽ रहल अछि। भारतक विदेशमे डंका बजि रहल अछि। मध्य प्रदेशमे हम विद्यालयमे पाठ्यक्रममे भगवान राम कृष्णक जीवनी शामिल करेलौंह अछि।
