अनुमति नहिं भेटय केर कारण नीतीश कुमारक वाराणसीक रैली भेल रद्द – जदयू
पटना
*
बिहारक मुख्यमंत्री नीतीश कुमार २४ दिसम्बरकेँ वाराणसीमे अपन रैली रद्द कऽ देलनि। जेडीयू आरोप लगबैत अछि जे प्रशासन हुनका रैली करबाक अनुमति नहि देलक।
बिहारमे सत्तारूढ़ जनता दल-यूनाइटेड (जेडीयू) प्रधानमंत्री नरेंद्र मोदीक संसदीय क्षेत्र वाराणसीक अंतर्गत रोहनिया विधानसभा क्षेत्र मे २४ दिसंबरकेँ निर्धारित रैलीक लेल मुख्यमंत्री नीतीश कुमारकेँ अनुमति नहि देबाक लेल योगी आदित्यनाथक नेतृत्व वाला उत्तर प्रदेश सरकारक आलोचना केलक। जदयू केर वरिष्ठ नेता आ बिहारक ग्रामीण विकास मंत्री श्रवण कुमार कहलनि, “वाराणसीक रोहनियामे २४ दिसंबरक निर्धारित मुख्यमंत्री नीतीश कुमारक जनसभा रद्द कऽ देल गेल अछि।
रोहनिया विधानसभा क्षेत्रक जगतपुर इंटर कॉलेजक प्रशासन, जतय कुमार जनसभा करय बला छलाह, स्थानीय प्रशासन आ राज्य सरकारक दबावक कारण हमरासभकेँ ई करबाक अनुमति नहिं देलक।
ओ हमरा अनुमति देबएसँ मना कए देलनि। ओ (कॉलेज अधिकारी) पहिने कहने छलाह जे हमरासभकेँ अनुमति देल जायत, मुदा बृहस्पति दिन ओ एकरा मना कऽ देलनि। उत्तर प्रदेशमे पार्टी मामिलाक प्रभारी श्रवण कुमार आरोप लगओलनि, “उत्तर प्रदेशमे योगी आदित्यनाथक तानाशाही चलि रहल अछि, “वाराणसीमे हमरासभकेँ अपन पार्टी सुप्रीमोक जनसभा करबाक अनुमति नहिं देब लोकतंत्रक प्रत्यक्ष हत्या अछि। हम जनसभाक अगिला तारीखक घोषणा जल्दिये करब। जेडीयू जल्दिये उत्तर प्रदेशमे भाजपाक पर्दाफाश करबाक लेल जनसम्पर्क अभियान शुरू करत। हम लोकसभा चुनावक लेल एकटा ठोस रणनीति तैयार कए रहल छी। रोहनियाक जनसभामे पूर्वांचल क्षेत्रक पार्टीक नेता आ कार्यकर्ता भाग लेबाक छल। रोहनिया वाराणसीक पटेल बहुल विधानसभा क्षेत्र अछि।
