शिक्षक केर गरिमा एवं जिम्मेदारी आत्मसात करब अनिवार्य : प्राचार्य

चित्रगुप्त मिडिल स्कूल एवं उर्दू मिडिल स्कूल, सहरसा बस्तीमे बीएड प्रशिक्षुक स्कूल अनुभव कार्यक्रम समाप्त

*

सहरसा समदिया

*

ईस्ट एन वेस्ट टीचर ट्रेनिंग कॉलेज केर प्रथम वर्ष बीएड सत्र 2023-25 केर प्रशिक्षु केर अट्ठाईस दिवसीय कार्यक्रम केर समापन समारोह वृहस्पति दिन चित्रगुप्त मिडिल स्कूल आर उर्दू मिडिल स्कूल सहरसा बस्तीमे कयल। मुख्य अतिथि केर रूपमे संबोधित करैत कॉलेजक प्राचार्य डॉ नागेन्द्र कुमार झा कहलनि जे ओ कुशल आ अनुभवी शिक्षक छथि, जिनकामे निरंतर सीखब आ पढ़ेबाक भाव प्रबल रहैत अछि । अपन संबोधनमे आगू कहलनि कि शिक्षा केर बदलैत माहौलमे प्रशिक्षु छात्र शिक्षकक एगो शिक्षक केर गरिमा आर जिम्मेदारी केर बढिया ढंगसँ आंतरिक रूप स॑ग्रहण करबाक चाही । ताकि कुशल आ अनुभवी शिक्षक बनि ओ राष्ट्र निर्माणमे अपन सहभागिता सुनिश्चित कय सकथि। समापन समारोह केर अवसर पर कॉलेजक परीक्षा नियंत्रक नीलेश राय अपन संबोधनमे प्रशिक्षु सबसँ कहलनि जे एकटा कुशल आ आदर्श शिक्षक बनू। राष्ट्रक निर्माण करू आ समाजमे एकटा आदर्श स्थापित करू ताकि सम्मानक भाव एकटा शिक्षक लोकक बीच रहैत अछि। अभ्यास प्रशिक्षण कार्यक्रमकेँ संबोधित करैत कॉलेज केर जनसंपर्क अधिकारी सह प्रोफेसर अभय मनोज बीएड प्रशिक्षु सबहक हुनक उज्जवल भविष्यक कामना कयलनि। आर आदर्श शिक्षक बनि शैक्षणिक विकास, समाज आर राष्ट्र निर्माणमे हुनक योगदानक बारेमे बात कहलनि।

एहि अवसर पर चित्रगुप्त मिडिल स्कूलक प्रिंसिपल पुनम कुमारी आर उर्दू मिडिल स्कूलक प्रिंसिपल मोहम्मद नसीमुद्दीन हक बीएड प्रशिक्षु सबहक प्रशंसा करैत हुनक कुशल शिक्षण आर प्रशिक्षण केर प्रशंसा कयलनि । संगहि ओ कहलनि जे ईस्ट एन वेस्ट टीचर्स ट्रेनिंग कॉलेजक सब प्रशिक्षु काल्हि नीक शिक्षकक रूपमे अपन पहचान निश्चित रूपसँ स्थापित करताह। एहि अवसर पर दुनु स्कूलक प्रशिक्षु आमंत्रित अतिथिकेँ पाग आ चादर भेंट कय स्वागत आ सम्मानित कयलनि।