प्रधानमंत्री नरेंद्र मोदी काल्हि मनक बात कार्यक्रमक 121म एपिसोडमे कहलनि जे युवा देशक प्रति संसारक नजरिया बदलयमे महत्वपूर्ण भूमिका निभा रहल छथि। संगहि, सम्पूर्ण विश्वमे भारतीय टैलेंटक प्रशंसा भऽ रहल अछि।
मोदी कहलनि, “कोनो देशक भविष्य ओहि देशक युवा केर रुचि आ सोच पर निर्भर करैत अछि। आई भारतक युवा साइंस, टेक्नोलॉजी आ इनोवेशन दिसि बढ़ि रहल छथि। हमर राष्ट्रक युवा अछि जे भारतक प्रति संसारक नजरिया बदलि देने अछि। ओ कहला, जे क्षेत्र पहिने पिछड़ापन आ अन्य कारण सभसँ चिन्हाइत छल, ओइठाम युवा सृजन कयलनि, जे हमरा नव विश्वास दैत अछि। पीएम मोदी कहलनि, “जखनि मात्र हिंसा आ अशांति लेल जानल जाइत छल छत्तीसगढ़, ओतय दंतेवाड़ाक विज्ञान केंद्र एकटा पैघ उदाहरण अछि, जे आब बच्चा आ हुनक पालक लेल आशाक नव किरण बनि गेल अछि।”
ओ आगू कहलनि कि एतय युवा नव टेक्नोलॉजीक बारेमे जानि रहल छथि आ ओहिसँ संलग्न प्रोडक्ट्स बना रहल छथि। पीएम मोदी कहला, “ई केंद्र जिज्ञासा आ रचनात्मकताकेँ बढ़ावा दैत अछि आ विद्यार्थीकेँ रोबोटिक्स, 3डी प्रिंटिंग आ इंजीनियरिंगकेँ जानबामे मददि करैत अछि।” मनक बात कार्यक्रममे पीएम
मोदी कहलनि कि हम किछु समय पूर्व गुजरात साइंस सिटीमे साइंस गैलरीकेँ उदघाटन कयने रही। ओ आगू कहलनि, ई गैलरी विज्ञानक क्षमता केर एक झलक प्रदान करैत अछि आ बतबैत अछि कि विज्ञान हमरा लेल कतेक किछु कए सकैत अछि। हमरा कहल गेल अछि जे ओहिठामक बच्चा एहि केन्द्रक लेल बहुत उत्साहित छथि। विज्ञान आ इनोवेशनक प्रति ई बढ़ैत आकर्षण निश्चित रूपसँ भारतकेँ नव ऊँचाई पर लऽ जायत।
पहलगाम हमला पर बात करैत प्रधानमंत्री कहलनि एखनि देश पहलगाम आतंकवादी हमलाक कारण गुस्सामे अछि आ पाकिस्तानक खिलाफ भारतक कड़ा कार्यवाही केर प्रतीक्षा कय रहल अछि। प्रधानमन्त्री कहलनि जे भारतमे जे आक्रोश अछि, ओ आक्रोश सम्पूर्ण विश्वमे अछि। एहि आतंकी हमलाक बाद लगातार दुनियाभरिसँ संवेदना अबैत अछि। हमरा वैश्विक नेता सभ फोन कयने छथि, पत्र लिखने छथि, संदेश पठौने छथि। एहि जघन्य ढंगसँ भेल आतंकी हमला केर सब कियो कठोर निंदा केलनि। ओ मृतकक परिवारजनक प्रति संवेदना प्रकट केलनि। पूरा विश्व, आतंकवादक खिलाफ लड़ाईमे हमरा संग, 140 करोड़ भारतीयक संग ठाढ़ अछि। हम पीड़ित परिवार सभकेँ फेरसँ विश्वास दियाबैत छी जे हुनका न्याय भेटत, न्याय अवश्य भेटत। एहि हमलाक दोषी आ साजिश रचनिहारकेँ कठोरतम उत्तर देल जायत।
