ब्रिक्स 2026 केर अध्यक्षताक दौरान ग्लोबल साउथक ऊर्जा क्षेत्रकेँ केंद्रमे राखत भारत: पीएम मोदी

नई दिल्ली। समदिया

प्रधानमंत्री नरेंद्र मोदी शनिदिन कहलनि कि 2026 मे ब्रिक्सक अध्यक्षताक दौरान भारत वैश्विक दक्षिणक सुरक्षित, लचीला, समान आ टिकाऊ वैश्विक ऊर्जा भविष्यकेँ केंद्रमे राखय केर दिशामे काज करत। केंद्रीय मंत्री मनोहर लाल खट्टर केर एगो लेख सोशल मीडिया प्लेटफॉर्म एक्स पर साझा करैत प्रधानमंत्री मोदी कहलनि कि भारतक मानब​ अछि कि एगो मजबूत ऊर्जा प्रणालीक निर्माण नहि सिर्फ प्रभावी घरेलू नीतिक माध्यमसँ कयल जायत अछि बल्कि मजबूत अंतर्राष्ट्रीय साझेदारीक माध्यमसँ सेहो भ रहल अछि। प्रधानमंत्री मोदी लिखलनि, “ब्रिक्सक वर्ष 2026 केर अध्यक्षता संभालय जा रहल भारतक दिससँ केंद्रीय मंत्री मनोहर लाल खट्टर अपन लेखमे बतौलनि कि भारत सुरक्षित, लचीला, समान आ टिकाऊ वैश्विक ऊर्जा भविष्यक केंद्रमे ग्लोबल साउथकेँ रखय केर प्रयास करत।”

ओ कहलनि कि इ लेख इहो बतौलक कि मजबूत ऊर्जा प्रणाली लेल प्रभावी घरेलू नीतिक संग-संग राष्ट्रक बीच सहयोग  जरूरी अछि।

केंद्रीय मंत्री मनोहर लाल खट्टर अपन लेखमे बतौलनि जे वैश्विक ऊर्जा क्षेत्रमे तेजीसँ परिवर्तन भ रहल अछि। एही संदर्भमे आर्थिक विकास, ऊर्जा सुरक्षा आ पर्यावरण स्थायित्वकें संतुलन बनाबय लेल विकासशील राष्ट्रकें लेल आपसी सहयोग आ नवीनता बहुत महत्वपूर्ण भ गेल अछि। ओ आओर कहलनि कि ब्रिक्स केर अध्यक्षताक दौरान भारत ऊर्जा सुलभता, स्वच्छ ऊर्जा संक्रमण, नव तकनीक आ नवाचार जँका क्षेत्रमे उभरैत अर्थव्यवस्थाक बीच सहयोगकेँ आओर मजबूत कय एही साझा दृष्टिकेँ मूर्त परिणाममे बदलय केर लक्ष्य राखत।

खट्टर बिजली पहुँचकेँ विस्तार, गैर-जीवाश्म ईंधन आधारित बिजली क्षमता बढ़ाबय आ अक्षय ऊर्जाकेँ बढ़ाबयमे भारत केर महत्वपूर्ण प्रगति पर प्रकाश डाललनि। ओ कहलनि कि भारत अपन कुल स्थापित बिजली क्षमताक 50 प्रतिशतसँ बेसी हिस्सा गैर-जीवाश्म ईंधन स्रोतसँ हासिल कय चुकल अछि, जे अपन राष्ट्रीय निर्धारित योगदान (एनडीसी) लक्ष्यकेँ पार कय  चुकल अछि।

केंद्रीय मंत्री कहलनि कि भारत ऊर्जा सुरक्षाकेँ मजबूत करय लेल कतेको प्रमुख पहल  कोयला गैसीकरण, ग्रीन हाइड्रोजन, इलेक्ट्रिक मोबिलिटी आ बिजली ट्रांसमिशन नेटवर्कक विस्तार जँका कतेको महत्वपूर्ण पहल कय रहल अछि। ओ ईहो कहलनि कि स्मार्ट मीटर आ इंडिया एनर्जी स्टैक जँका डिजिटल तकनीक देशक बिजली क्षेत्रकेँ आधुनिक बनाबयमे अहम भूमिका निभा रहल अछि।

मनोहर लाल खट्टर आगू कहलनि कि ब्रिक्स राष्ट्क संबंधित ताकत एक-दोसरक पूरक अछि । जँग इ देश मिल कय काज करत तँ एकटा सुरक्षित, मजबूत आ टिकाऊ ऊर्जा प्रणालीकें विकास कयल जा सकैत अछि।

ओ कहलनि कि मजबूत अंतर्राष्ट्रीय साझेदारीक माध्यमसँ ब्रिक्स राष्ट्र वैश्विक दक्षिण केर हितकेँ आगू बढ़ाबय आ ऊर्जा क्षेत्रमे दीर्घकालिक समाधान विकसित करयमे महत्वपूर्ण भूमिका निभा सकैत अछि।