राम मंदिरक प्राण-प्रतिष्ठाक अवसर पर २२ जनवरीकेँ भगवान रामक भक्तजनकेँ अयोध्या लऽ जाए केर लेल नेपालक मिथिला क्षेत्रीय जनकपुरसँ विशेष ट्रेन चलायल जायत।
भारत सरकार तीर्थयात्रीसभकेँ अनबाक लेल नेपाल लेल एकटा समर्पित ट्रेन पठओत, जखन कि नेपालसँ हजारो लोक अयोध्या लेल रवाना भऽ चुकल छथि, एकटा अधिकारी शनिदिन एतय कहलनि। नेपाल भारतक अतिरिक्त हिन्दू बहुल देशमेसँ एक अछि।
श्रद्धालु जयनगर-जनकपुर रेलवे लाइनसँ जयताह, जे नेपाल आ भारतक बीच एकमात्र सीमा पार रेल कनेक्शन अछि। एकरा भारतक सहायतासँ बिछाओल गेल छल।
भारतीय रेलवे २० डिब्बा वला एकटा ट्रेन पठओत। नेपाल रेलवे कम्पनी लिमिटेडक महाप्रबन्धक निरंजन झा बतौलनि जे अधिकारीक अनुसार ई विशेष ट्रेन रवि दिन जनकपुरसँ अयोध्या लेल प्रस्थान करत। प्राण-प्रतिष्ठा समारोहक लेल नेपालमे भक्तमे बहुत उत्साह अछि।
सोमदिन एहि समारोहमे नेपालसँ हजारो हिन्दू भक्तलोकनिक भाग लेबाक आशा अछि। नेपालक कतेको शहर स्थानीय निवासीसभसँ एहि दिनकेँ “दीपोत्सव”क सङ्ग मनयबाक आग्रह कयलक अछि। किछु शहरक अधिकारी सोमदिन शराब आ मांसाहारी भोजनक बिक्री पर सेहो रोक लगा देलनि। नेपाली विदेश मंत्रालय भारतीय दूतावासकेँ २२ जनवरीक लेल समर्पित रेल सेवाक व्यवस्था करबाक अनुरोध पठौने छल। झा कहलखिन कि टिकट बुकिंग शनि दिन दुपहरियामे खुलत। विशेष ट्रेन रवि दिन भोरमे अयोध्याक लेल रवाना होएत। किराया भक्त सभ वहन करत। झा कहलनि जे दोसर वातानुकूलित डिब्बाक किराया 3,000 नेपाली रुपया (लगभग 1,882 रुपया), थर्ड एसी कोच के किराया 2000 नेपाली रुपया (लगभग 1255 रुपया) आ स्लीपर क्लासक किराया एक हजार नेपाली रुपया (लगभग 627 रुपया) होएत। ओ कहलनि जे भक्तक आग्रह पर ट्रेनक किराया कम कऽ देल गेल छल। प्राण-प्रतिष्ठा समारोहक बाद सोमदिन राति ११ बजे अयोध्यासँ ट्रेन वापिस आओत। एम्हर जनकपुरक जानकी मन्दिरक उत्तराधिकारी महंत राम रोशन दास मधेश प्रान्तक मुख्यमन्त्री सरोज कुमार यादवसँ राम मंदिरक उद्घाटनक दिन मधेशमे सार्वजनिक अवकाशक घोषणा करय केर अनुरोध कयलनि, आ मुख्यमंत्रीकेँ एहि लेल एकटा ज्ञापन सौंपलनि।
