बढ़ि रहल दीर्घकालिक वैश्विक निवेश, निवेशकक सबसँ भरोसेमंद गंतव्य भारत : पीयूष गोयल
नई दिल्ली। समदिया
केंद्रीय वाणिज्य आ उद्योग मंत्री पीयूष गोयल बृहस्पतिकेँ कहलनि कि पूरा दुनियासँ दीर्घकालिक निवेश आब तेजीसँ भारत दिस आकर्षित भ रहल अछि। ओ कहलनि कि न्यूयॉर्क आ टोरंटोमे प्रमुख निवेशकक संग हालमे कयल गेल मुलाकातक दौरान सभ चर्चा भारतक भविष्यक विकास यात्रा पर भरोसाकेँ आओर मजबूत कयलक।। ओ आओर कहलनि कि निवेशककेँ सामने आइ ई सवाल नहि अछि कि भारतमे निवेश करबाक अछि वा नहि, बल्कि ई सवाल अछि कि ओ भारतक विकासक कहानीकेँ कतेक जल्दी पहचानि सकैत अछि आ ओहिमे कतेक तेजीसँ भाग लय सकैत अछि। मुंबईमे आयोजित ‘सिटी इंडिया कॉन्फ्रेंस 2026’ केँ संबोधित करैत केंद्रीय मंत्री पीयूष गोयल भारतकेँ दुनियाक सबसँ विश्वसनीय निवेश गंतव्य बतैलनि। ओ सरकार द्वारा विनिर्माण, कारोबारमे आसानी, बुनियादी ढाँचा विकास, तकनीक अपनाबय आ वैश्विक व्यापार साझेदारीकेँ मजबूत करय लेल कयल जा रहल प्रयासक रूपरेखा सेहो बतैलनि।
वैश्विक निवेशक आ उद्योग जगत केर नेताकेँ संबोधित करैत ओ टिप्पणी कयलनि कि भारतकेँ दुनिया केर सबसँ तेजीसँ बढ़ैत अर्थव्यवस्थाक रूपमे पहचानल जायत अछि। ओ विश्वास जतौलनि जे भारत अगिला दू दशक धरि एहि स्थितिकेँ नीक जकाँ बरकरार राखत।
गोयल कहलनि कि भारत लगातार सभ संकटकेँ अवसरमे बदलयमे सफल रहल अछि। राष्ट्र अपन प्रक्रिया आ व्यापारिक रणनीतिकेँ विकसित भू-राजनीतिक आ आर्थिक परिदृश्यकेँ संग संरेखित करय लेल अनुकूलित कयलक, एही सभकेँ संग व्यापार, निर्माण, निवेश आ उद्योग लेली एगो आकर्षक गंतव्य बनल अछि।
ओ कहलनि कि न्यूयॉर्कमे प्रमुख निवेश फर्म आ लगभग 50 कंपनी केर कयल गेल चर्चा एही धारणाकेँ आओर मजबूत करय केर काज कयलक कि भारत एगो विश्वसनीय वैकल्पिक निर्माण केंद्र, एगो भरोसेमंद भागीदार आ दुनिया लेल एगो सुरक्षित निवेश गंतव्यक रूपमे ठाढ़ अछि। एकरऽ पाछूक प्राथमिक कारण अछि लोकतंत्र, कानून केर राज, निर्णायक नेतृत्व, तकनीकी पराक्रम आ 1.4 अरब लोकक विशाल उपभोक्ता बाजार।
वैश्विक निवेशककेँ भारतक विकास यात्राक हिस्सा बनय लेल आमंत्रित करैत गोयल कहलनि कि भारत खाली एगो पैघ आ तेजीसँ विस्तारित बाजार नहि अछि, बल्कि नवाचार, डिजाइन आ उन्नत निर्माणक केंद्रक रूपमे सेहो उभरय लागल अछि। ओ निवेशकसँ आग्रह कयललनि कि धैर्य आ दीर्घकालिक पूंजी निवेशक माध्यमसँ भारत केर नव तकनीक आ भविष्य केर उद्योग दिस सफरमे साझेदारी कयल जाय।
