हमसभ राष्ट्रनीतिक लेल निकलल छी, राजनीतिक लेल नहिं – पीएम मोदी
*
नई दिल्ली
*
भाजपाक राष्ट्रीय अधिवेशनमे प्रधानमंत्री नरेन्द्र मोदी कहलनि जे हम एतय उपस्थित सभ कार्यकर्ताकेँ बधाई दैत छी। भाजपा कार्यकर्ता सालक प्रत्येक दिन देशक सेवा लेल किछु ने किछु करैत रहैत अछि, मुदा आब अगिला १०० दिन नव ऊर्जा, नव उमंग, नव उत्साह, नव विश्वास आ नव जोशक संग काज करबाक अछि।
प्रधानमंत्री नरेन्द्र मोदी शनिदिन आचार्य श्री १०८ विद्यासागर जी महाराजक जयन्ती पर हुनका श्रद्धांजलि अर्पित करैत अपन भाषणक शुरुआत कयलनि। ओ कहलनि “आइ हम समस्त देशवासी दिसिसँ आचार्य श्री १०८ विद्यासागरजी महराजकेँ आदर ओ श्रद्धापूर्वक श्रद्धांजलि दैत छी। ई हमरा लेल व्यक्तिगत क्षति जकाँ अछि। कतेको बरख हमरा हुनका व्यक्तिगत रूपसँ भेँट करबाक अवसर भेटल अछि।”
एकर बाद एक बेर फेर पीएम मोदी लोकसभामे कयल गेल दावाकेँ दोहराबैत कहलनि जे आइ विपक्षक नेता सेहो एनडीए सरकार ४०० पार केर नारा लगा रहल अछि। एनडीए केर ४०० पार करय लेल भाजपाकेँ ३७० केर मीलक पाथर पार करहे पड़त।
ओ कहलनि जे “हमर सफलताक पाछूक कारण ई अछि जे हम राजनीतिक लेल नहिं अपितु राष्ट्रनीतिक लेल निकलल छी।”
पीएम मोदी कहलनि जे ओ लोक जिनका कियो नहिं पूछलक, मात्र हम हुनका पूछलहुँ, बल्कि हुनका पूजलौंह, ओ सभ कहलनि “इएह हमर सरकारक सबसँ पैघ बात अछि जे हम सभख लेल काज कयलहुँ अछि, कोनो विशेष वर्ग वा समुदायक लेल नहिं।”
१० सालक उपलब्धिक वर्णन करैत पीएम मोदी कहलनि जे पछिला १० साल साहसिक निर्णय आ दूरगामी निर्णयक विषयमे अछि। अयोध्यामे भव्य राम मन्दिरक निर्माण कऽ हम ५ शताब्दीक प्रतीक्षाकेँ समाप्त कऽ देने छी। ७ दशकक बाद देशकेँ अनुच्छेद ३७० सँ मुक्ति भेटल अछि। ४ दशकक बाद वन रैंक, वन पेंशनक मांग पूरा भेल अछि, 3 दशकक बाद देशकेँ नव राष्ट्रीय शिक्षा नीति भेटल अछि। तीन दशकक बाद महिला सभकेँ लोकसभा आ राज्यसभामे आरक्षण भेटल अछि।
प्रधानमंत्री नरेन्द्र मोदी कहलनि, विपक्षी दल भले ही योजना सभकेँ पूरा करब नहिं जानैत होय, मुदा झूठा वादा करयमे हिनकर जबाब नहिं अछि। हमर वादा विकसित भारतक अछि। ई लोकसभ स्वीकार कय लेने छथि जे ई लोकसभ भारतकेँ विकसित नहि कऽ सकैत छथि, भाजपा एकमात्र एहन पार्टी अछि, जे एकर सपना देखलक अछि। हम भारतकेँ तेसर कार्यकालमे दुनियाक तेसर सबसँ पैघ आर्थिक शक्ति बनयबाक संकल्प लेने छी आ ई मोदीक गारंटी अछि।
पीएम मोदी कांग्रेस पर आक्रमण करैत कहलनि “देश, देशक प्रत्येक नागरिक आ अपन युवाक भविष्यकेँ कांग्रेससँ बचाबय लेल प्रत्येक भाजपा कार्यकर्ताक जिम्मेदारी अछि। कांग्रेस अस्थिरता, भ्रष्टाचार आ तुष्टीकरणक जननी अछि। आइयो ई लोकसभ अस्थिरता उत्पन्न करबाक लेल नव-नव षड्यंत्र कऽ रहल छथि।”
प्रधानमंत्री नरेन्द्र मोदी कहलनि जे हम अपन राजनीतिक व्यवस्थाकेँ नव आ आधुनिक विचारक लेल खुला रखलहुँ अछि। जे लोकनि स्वतन्त्रताक बाद कतेको वर्ष धरि हमर देशपर शासन कयलनि, ओ एकटा एहन व्यवस्था बनौने छलाह जाहिमे मात्र किछु पैघ परिवार सत्तामे छल। परिवारक लोक महत्वपूर्ण पद पर रहैत छलाह, मुदा हमसभ आबि ओ सभ किछु बदलि देलौंह अछि।
