चुनाव जँ ‘इंडिया गठबंधनक सरकार बनत तऽ 1 करोड़ नौकरी देब : तेजस्वी यादव Maithil Punarjagran Prakash May 15, 2024 0 Comments सीतामढ़ी समदिया * पूर्व उपमुख्यमंत्री आ विपक्षक नेता तेजस्वी यादव कहलनि कि प्रधानमंत्री एहि चुनावमे बेकार बात कऽ रहल छथि। मंगलसूत्र, माछ, हिन्दू-मुस्लिमक बात कऽ ओ सभ वास्तविक समस्या मुद्रास्फीति, बेरोजगारीसँ ध्यान हटाबय चाहैत छथि। ओ सोनबरसा ब्लॉकक भुतही स्थित जागेश्वर हाई स्कूल प्रांगणमे एकटा चुनावी सभाकेँ सम्बोधित कऽ रहल छलाह। ओ कहलनि “हमरा नीतीश कुमार (चाचा) केर आशीर्वाद सेहो अछि। आइ हुनका प्रधानमंत्रीक नामांकन कार्यक्रममे भाग लेबाक छलनि, मुदा ओ बीमारीक बहाना बना जयबासँ मना कऽ देलनि । काका कहैत छलाह जे 2014 मे अयलाह ओ 2024 मे नहिं अयताह। हम ओहि मिशनकेँ आगू बढ़ा रहल छी। वीआईपी प्रमुख मुकेश सहनी कहलनि जे ई चुनाव संविधान आ आरक्षण केर बचाबय आ लोकतंत्रकेँ मजबूत करय केर चुनाव अछि। अतः ओ इंडिया गठबंधनक उम्मीदवार अर्जुन रायकेँ वोट देबाक अपील कयलनि। Spread the love
