मिथिला क्षेत्रीय बिहारक पूर्णियामे ९ फरवरीसँ वॉलीबॉल लीगक आयोजन होयत। संगहि ई आयोजन खेल प्रेमीक सङ्ग-सङ्ग एहिठामक स्थानीय युवा खेलाड़ीसभकेँ सेहो प्रोत्साहित करत। संगहि वॉलीबॉल खेलकेँ बढ़ावा देबाक हरसंभव प्रयास कयल जा रहल अछि जाहिसँ ओकर खेलबाक जुनून आ गम्भीरता बढ़ि सकय।
वॉलीबॉल प्रतियोगिताक विजेताकेँ २५ फरवरीसँ भागलपुरमे आयोजित होबयवला ७०म बिहार राज्य सीनियर वॉलीबॉल चैम्पियनशिपमे खेलबाक मौका भेटत। ओतहि ई वॉलीबॉल लीग प्रतियोगिता ९ फरवरीसँ पूर्णियामे आयोजित होयत। जिला-दर-राज्य खेलाड़ी भाग लेताह।
जिला वॉलीबॉल एसोसिएशनक सचिव चन्द्रकान्त राय कहलनि जे लीग प्रतियोगितामे लगभग १२ टीम एहि प्रतियोगितामे प्रतिस्पर्धा करत। संगहि एकरा आओर रोचक बनाओल जाय, तकर पुरा तैयारी चलि रहल अछि।
[
सभ मैच लीगक आधार पर खेलल जायत। जाहिमेसँ चारिटा सर्वश्रेष्ठ टीमक चयन सेमीफाइनल लीग मैचक लेल कयल जायत। ओ कहलनि जे एहि लीग मैचमे जिला आ राज्य स्तरक कतेको खेलाड़ी भाग लेताह, जिला वॉलीबॉल लीग प्रतियोगिताक दौरान प्रदर्शनक आधार पर पूर्णिया जिला सीनियर वॉलीबॉल टीमक गठन कए जिला स्तरीय शिविरक आयोजनक निर्णय सेहो लेल गेल अछि।
जानकारी दैत जिला वॉलीबॉल संघक सचिव चन्द्रकान्त राय केर अध्यक्षतामे सर्वसम्मतिसँ ई निर्णय लेल गेल आ पूर्व खेलाड़ी जगत ज्योति आ खेल प्रेमी रजनीश पाण्डेय, प्रमोद कुमार, राकेश कुमार सिंह, रूपेश नन्दन, कपिल भूषण आदि बैसारमे वॉलीबॉलकेँ सहयोग आ प्रोत्साहित करबाक लेल सहमति देलनि।
