जनसांख्यिकीय परिवर्तन पर उच्च स्तरीय समिति गृहमंत्री अमित शाहसँ कयलक भेंट

नई दिल्ली। समदिया

उच्च स्तरीय समिति केंद्रीय गृहमंत्रीकेँ जनतब देलक जे ओ विभिन्न राज्य आ केंद्र शासित प्रदेशक दौरा कय ग्राउंडसँ प्रत्यक्ष जानकारी लेत। एकर अलावा समिति जनसांख्यिकीय परिवर्तनसँ जुड़ल मुद्दा पर प्रतिक्रिया जुटाबय लेल विभिन्न केंद्र सरकार मंत्रालयसँ बातचीत करत। उच्च स्तरीय समिति ईहो जानकारी देलक कि राज्य आ केंद्र शासित प्रदेशक दौरा कय आ सार्थक आओर इंटरैक्टिव बनाबय लेल एगो विस्तृत प्रश्नावली तैयार कय पहिनेसँ आवश्यक जानकारी प्राप्त कयल गेल अछि। केंद्रीय गृहमंत्री उच्च स्तरीय समिति द्वारा बनाओल गेल रणनीतिक प्रशंसा करैत गृह सचिवकेँ निर्देश देलनि जे समितिकेँ रोजमर्राक काज आ दौराक दौरान सभ संभव सहायता देल जाय। गृहमंत्री उच्च स्तरीय समितिकेँ जल्दसँ जल्द अपन सिफारिश जमा करबाक सलाह देलथि।

प्रधानमंत्री नरेंद्र मोदी 15 अगस्त 2025 केँ ‘ ‘हाई पावर्ड डेमोग्राफी मिशन’ केर घोषणा कयलनि। भारत सरकार अवैध प्रवास आ अन्य असामान्य कारकसँ होय वला जनसांख्यिकीय परिवर्तनक अध्ययन आ ओकरा दूर करय केर उपाय सुझाबय लेल एगो उच्च स्तरीय समितिक गठन कयलनि। जस्टिस प्रकाश प्रभाकर नावलेकर (सेवानिवृत्त) समितिक अध्यक्ष छथि। जनगणना आयुक्तक अलावा, तीन प्रतिष्ठित व्यक्ति दुर्गा शंकर मिश्रा (रिटायर्ड आईएएस), बालाजी श्रीवास्तव (रिटायर्ड आईपीएस) आ डॉ. शमिका रवि (सदस्य पीएमईएसी) समितिक सदस्य छथि।

इ हाई लेवल कमेटी देशक विभिन्न हिस्सामे अवैध प्रवास आ अन्य असामान्य कारणसँ भ रहल जनसांख्यिकीय बदलावकेँ वैज्ञानिक रूपसँ आकलन करताह, ओकर कारण केर विश्लेषण करताह आ उचित नीतिगत, विधायी तथा प्रशासनिक उपाय केर सिफारिश करत।