असमक कछारसँ करोड़ो टकाक हेरोइन जब्त 

असम समदिया

*

नशा तस्करीक खिलाफ निर्णायक कदम उठाबैत असम पुलिस आई कछार जिलामे एकटा पैघ सफलता हासिल केलक अछि जाहिमे दू गोटेकेँ गिरफ्तार सेहो कायल गेल अछि। कछार जिला पुलिस द्वारा आई चलाओल गेल एक विशेष अभियानमे 460 ग्राम मेथाम्फेटामाइन आ 1.531 किलो हेरोइन जब्त कायल गेल। खुफिया जानकारीसँ संचालित एहि अभियानक खुलासा तखन भेल जखन असम पुलिस लोकनाथपुरमे पड़ोसी राज्यसँ आबि रहल एकटा गाड़ीकेँ रोकलक। तलाशीक दौरान गाड़ीसँ 50 टा साबुनक डिब्बामे नुका कय राखल हेरोइन आ मेथाम्फेटामाइन केर गोली बरामद कयल गेल, जकर बाजारक भाव करोड़ोमे बताओल जा रहल अछि। एहि संबंधमे दूटा संदिग्ध नशा बेचय वालाकेँ तुरंत हिरासतमे लेल गेल। नशा तस्करी केर दमन करयमे असम पुलिस द्वारा अपन नागरिकक सुरक्षा आ भलाई सुनिश्चित करयमे ई अभियान एकटा व्यापक पहलक हिस्साक रूपमे अछि। बतबैत चली जे किछु दिन पहिने असमक करीमगंजसँ 100 करोड़ टकाक मादक पदार्थ जब्त कयल गेल छल।