नव सरकारक गठनक बाद आनब हम पूर्ण बजट : नरेन्द्र मोदी

अर्थात पीएम मोदी आगुक लोकसभा जीतक प्रति छथि आश्वस्त

*

नई दिल्ली

*

प्रधानमंत्री नरेन्द्र मोदी कहलनि जे चुनावक समय नजदीक अयला पर सामान्यतः पूर्ण बजट नहिं राखल जाइत अछि। हम सभ सेहो एही परम्पराक पालन करब आ नव सरकारक गठनक बाद अहाँक समक्ष पूर्ण बजट अनब।

ओ कहलनि जे एहि बेर देशक वित्त मंत्री निर्मला सीतारमण बृहस्पति कऽ हमरा सभक समक्ष अपन बजट (अंतरिम बजट) प्रस्तुत करय जा रहल छथि।

लगातार तेसर बेर भाजपाक जीतक ओर इशारा करैत प्रधानमंत्री मोदी कहलनि जे देश प्रगतिक नव ऊँचाइ पार करैत आगू बढ़ि रहल अछि, सर्वस्पर्शी विकास भऽ रहल अछि, सर्वांगीण विकास भऽ रहल अछि, सर्वसमावेशी विकास भऽ रहल अछि। ई यात्रा जनताक आशीर्वादसँ जारी रहत।

प्रधानमंत्री ‘राम-राम’सँ संबोधनक आरम्भ आ समापन दुनू कयलनि।

प्रधानमंत्री सदनमे हंगामा करय वाला सांसदकेँ कड़गर सलाह दैत कहलनि कि पिछला १० सालमे जिनका जे राह सूझल, सब कियो अपन काज ओही तरहेँ केलक। मुदा ओ जरूर कहताह कि, जे आदतन हुड़दंगक आदत बना लेलक अछि, एहेन सभ सांसद आइ जखनि आखिरी सत्रमे भेटि रहल छी तऽ ओ सभ निश्चित रूपसँ आत्मनिरीक्षण करताह जे ओ १० सालमे जे केलनि से किएक कयलनि ? हुनक निर्वाचन क्षेत्रमे सेहो केकरो ई याद नहिं रहत जे ओ एतेक हंगामा मचेलनि।

पीएम मोदी कहलनि जे वर्तमान लोकसभाक एहि अंतिम बजट सत्रमे एहन सांसद चिंतन आ पश्चाताप अवश्य करताह जे ओ एना किएक कयलनि।

ओ कहलनि जे हंगामा करबाक बदला जे लोकनि नीक विचारसँ सदनकेँ लाभान्वित कयने रहितथि, भले ही ओ सरकारक कड़ा विरोध करतथि, मुदा तखनो लोकक एकटा पैघ वर्ग हुनका याद राखैत। आबयवला दिनमे जखन कियो सदनक चर्चा देखत, तखन हुनक एक-एक शब्द इतिहासक गवाहीक रूपमे उजागर भऽ जायत।

आगू मोदी हंगामा करयवाला सांसदसभकेँ अपन व्यवहार सुधारबाक सलाह दैत कहलनि जे एहन सभ माननीय सांसदकेँ ई सुनिश्चित करबाक चाही जे ओ सदनमे सर्वश्रेष्ठ प्रदर्शन करथि, सदनकेँ सर्वोत्तम विचार देथि, देशकेँ उत्साहसँ भरि देथि, सांसदकेँ ई अवसरकेँ नहिं छोड़य केर चाहैत छल।

नारी शक्तिक प्रति सरकारक प्रतिबद्धताक उल्लेख करैत प्रधानमंत्री मोदी कहलनि जे एहि नव संसद भवनमे आयोजित पहिल सत्रक अन्तमे ई संसद बहुत सम्मानजनक निर्णय लेलक। ओ निर्णय छल ‘नारी शक्ति वन्दन अधिनियम’। २६ जनवरीकेँ सेहो हम देखलहुँ जे कोना देश कर्तव्यक पथ पर महिला शक्तिक बहादुरी, क्षमता आ दृढ़ संकल्पक शक्तिक अनुभव कयलक। बजट सत्र आइ राष्ट्रपति द्रौपदी मुर्मूक मार्गदर्शनसँ शुरू भऽ रहल अछि आ काल्हि निर्मला सीतारमण द्वारा अंतरिम बजट प्रस्तुत कयल जायत। एक तरहेँ ई नारी शक्तिक साक्षात्कारक पावनि अछि।