उपमुख्यमंत्री तेजस्वी यादवक बयान पर केन्द्रीय मंत्री गिरिराज सिंह शनिदिन प्रतिक्रिया देलनि। ओ कहलनि जे ई लोक तुष्टीकरणक राजनीति करैत छथि। तुष्टीकरणक राजनीति करैत प्रधानमंत्री मोदी आ भाजपाकेँ गारि दैत छथि। हमरा हुनकासँ सलाह नहिं चाही। ई सभ भ्रम पैदा कए सकैत छथि, तुष्टिकरण कऽ सकैत छथि, मुदा देश आ राज्यक भलाइ नहिं कऽ सकैत छथि। हम हुनकासँ आग्रह कयलौंह जे अहाँ बिहारक उप मुख्यमंत्री आ स्वास्थ्य मंत्री सेहो छी, हज भवन केर अस्पताल किएक नहिं बना दैत छी ? एतेक बढ़िया सुपर स्पेशियलिटी अस्पताल बनत। उपदेश देबासँ बढ़िया ई काज करू।
गिरिराज सिंह कहलनि जे हम जनैत छी जे ओ कतेक नौकरी दऽ रहल छथि आ कतेक इफ्तार कऽ रहल छथि, मुदा गरीब हिन्दू सभकेँ पेट नहिं भरताह। ओ हजक लोकसँ कहियो घृणा नहिं करत, हुनका कहियो शिक्षा नहिं देत, मुदा हिन्दूसँ नफरत करत। ई लोकसभ समय पड़त तऽ जनेऊ धारी भऽ जयताह, नहिं तऽ टोपीधारी रहताह।
पूरा देशमे राम मंदिर उद्घाटन समारोहक खूब चर्चा अछि। एम्हर उपमुख्यमंत्री तेजस्वी यादवक एकटा बयान चर्चामे आबि गेल। किछु दिन पहिने मधुबनीमे सभाकेँ सम्बोधित करैत ओ कहने छलाह जे टांग कटि जायत तऽ अस्पताल जायब कि मंदिर ? भूख लागत तऽ की मंदिर जाएब ? की ओतय अहाँकेँ भोजन भेटत ?ओतए उल्टे दान माँगि लेत। तेजस्वीक एहि बयान पर बिहारक राजनीति गर्म भऽ गेल अछि आ भयंकर बयानबाजी भऽ रहल अछि। भाजपा एहि बारेमे तेजस्वी यादव पर लगातार आक्रमण कए रहल अछि।
