कांग्रेसक राष्ट्रीय अध्यक्ष मल्लिकार्जुन खड़गे कहलनि, “मणिपुरमे मईमे जे भेल, दुर्भाग्यपूर्ण घटना होइत रहल, मुदा पीएम मोदी दिन-राति समुद्रमे हेलय केर फोटो लैत रहलाह। ओ मन्दिरक निर्माण स्थल पर जाइत छथि आ फोटो लैत छथि। सब जगह अहाँ जाउ आ नव-नव कपड़ा पहिरि फोटो खिंचाउ, मुदा ई महापुरुष मणिपुर किएक नहिं गेलाह ? जतय लोक मरि रहल अछि, महिलाक संग बलात्कार भऽ रहल अछि, अहाँ हुनकर हालचाल किएक नहिं पूछि रहल छी ? की ओ देशक हिस्सा नहिं अछि ? अहाँ लक्षद्वीप जाउ आ पानिमे रहू, मुदा अहाँ मणिपुर जाय लोकसभकेँ नहिं समझा सकैत छी ?”
खड़गे आगू कहलनि “हम 14 जनवरीसँ भारत जोड़ो न्याय यात्रा शुरू करय जा रहल छी। राहुल गाँधीक नेतृत्वमे भारत जोड़ो न्याय यात्रा मणिपुरसँ प्रारम्भ होयत आ १५ राज्यसँ होइत मुम्बई धरि जायत। एहि यात्रामे १०० लोकसभा सीट आ ३०० सँ बेसी विधानसभा सीट शामिल होयत। ई यात्रा लगभग ६७०० किलोमीटरक होएत।
